叱咤樂壇頒獎典禮｜陳蕾超性感極搶鏡 MIRROR一跳舞即戴眼鏡有古怪

文：東方新地｜圖：ViuTV截圖、my903.com 商業電台Facebook

女子組：謝安琪昂坪露罅後退下火線

謝安琪都輸畀陳蕾

《2021年度叱咤樂壇流行榜頒獎典禮》今晚（1/1）在亞洲國際博覽館舉行。各位女歌手性感打扮現身，而陳蕾絕對是歌手中最性感的一個，雖然她以樽領上衣亮相，但卻大玩露腰誘惑，上衣的下擺更有意無意露波邊，極有視覺效果，就連低胸裝上陣的謝安琪亦相對失色。

陳蕾備受矚目的服裝，原來同欣宜一樣係來自名牌Gucci，而出場時不小心甩踭的高跟鞋則是來自Christian Louboutin，騷後在個人IG分享高清相，歌手好友們如Call All Star 的On仔、Jace 陳凱詠睇到「嘩嘩聲」，藍奕邦留言問「做咩咁睇唔開呀？」：

相比起11月低溫情況下以「透視Deep V」現身昂坪市集叱咤記招，今晚無獎的謝安琪的裝扮已經好「低調」：

男歌手篇：MIRROR變身KFC上校、193被笑整親頸

至於男士方面，服裝雖然稱唔上奇裝異服，不過都非常凸出！尤其係花俏嘅胡鴻鈞，同埋樽領樽到上下巴嘅193@ERROR，有網民仲笑言以為佢條頸受咗傷添！而MIRROR嘅服裝就被網民笑逼似炸雞上校，不過最有係佢哋拎獎表演嘅時候，竟然戴眼鏡跳舞，網民一致認為「有贊助」！