啦啦隊女神林襄跌落神壇 人氣榜10強不入 呢位韓國女神火辣登榜首

林襄啦啦隊女神人氣榜10強不入

啦啦隊女神排行榜由網民票選而成，目前3甲均由韓籍啦啦隊員獨佔，當中去年宣布加盟「Fubon Angels」嘅33歲李雅英就以超過63萬票位居榜首，第2及第3名分別係李珠珢及李多慧，而昔日嘅人氣王林襄則10強不入。

其他位於前10嘅啦啦隊女神包括峮峮、邊荷律、栗子、諺諺、笑笑、Jasmine及一粒。

李雅英背景起底 獲封「國民表妹」人氣勁爆

33歲李雅英來自韓國，目前是台灣職棒富邦悍將及職籃雲豹的啦啦隊成員。李雅英除咗身材出眾外，一雙笑眼亦係佢嘅招牌之一，令佢成功吸引大批粉絲，兼被封為「國民表妹」，更以超過13萬票的差距大幅拋離女神榜第二名的李珠珢。

李雅英曾於韓國擔任模特兒同啦啦隊成員，後來因為腳踝受傷，最後僅參與啦啦隊1年就宣布退出，並轉行做普通上班族。李雅英於2024年初宣布復出，再度擔任職業模特兒同啦啦隊成員，人氣急升兼坐擁百萬followers！

林襄自爆經歷低潮期

意外跌出女神榜嘅林襄近日就在社交平台大玩Q&A，當中佢更首次曝光今年初陷入低潮期嘅經歷：「其實今年年初那幾個月，是我自己的低潮期，這個狀態我藏得很深，也許有些人看得出來。」不過林襄就表示冇遇到啲咩大事，「但我就是知道自己的狀態不好」，並坦言唔想再死頂，選擇接納當下的情緒：「我慢慢學會去允許自己枯萎幾天，不用急著陽光燦爛。也不用硬撐著說沒事，我學會那些壞情緒好好相處。」

即睇更多上榜啦啦隊女神靚相！