古巨基囝囝靚相+英文名曝光！ 網民發揮創意為Kuson「古巨B」改名
撰文、圖片：東方新地、古巨基facebook
「古巨B」靚相曝光！初來甫到：「我叫Kuson」
古巨基再次深夜出Post，發放摸囝囝頭的靚相兩張，同時向大家介紹囝囝的英文名：
「大家好，我叫Kuson ，初來甫到，多多指教！」
網友讚好之餘，亦不忘立即為Kuson改名：「古莘、古新、古伸、古晨⋯⋯」（亦有理性巴打澄清其實應該讀「Cute神」🤣）
未完！網民發揮創意為「古巨B」改中文名
據知「古巨B」完全遺傳了基仔的大頭與五官，眼大大非常得意，基仔對住得意仔當然是愛不釋手，不過古仔仍未公開BB中文姓名，一班網民已經忍唔住發揮創意，幫BB改名啦！
“古菇仔”
“古怪” 英文名叫Ku Guy
“古李唔到、古之達人、古中無獎、古起勇氣”
“古綿純”
“古谷實”
“古明華”
“古艷陽”
“古烈治”
“古天樂”
“古代人”
“古晶”
“古惑仔”
“古天奴”
“古一”
“古月粉”
“古龍水”
“古早味”
“古歌仔”
仲有更多：
古巨根
古巨炮
古巨啫
古巨柱
古巨棍
古巨菇
古巨撚
古巨鞭
古巨枝
古巨春
古巨蛋
古巨丸
古巨袋…..
47歲古巨基閉關湊B 52歲古太高齡產子一索得男
14年與助手女友Lorraine結束廿年愛情長跑後，古巨基一直恨做爸爸，努力造人五年，去年底終於得償所願，由陀B到卸貨，基仔保密功夫做到足，日前突然公開老婆一索得男的喜訊，為2020年娛樂圈帶來一大驚喜，頭大大的初生「古巨B」首次曝光，曬住太陽接受大家的祝福。囝囝得來不易，再加上正值全球爆發疫症，古巨基高度戒備守護妻兒，在Lorraine懷孕後早已學定換片與餵奶，現在停工不出門，全天候閉關湊B，做個廿四孝好爸，享受弄兒之樂。
古巨基閉關湊B古太高齡產子一索得男
古巨基都算鬼馬同口密，榮升父親都收得咁埋，日前他在社交網上載
一張BB曬住太陽趴轉瞓的照片，另一張是一家三口的拖手照，公開與
Lorraine成功造人的好消息，由於事出太突然，除了有大量恭賀留言，大
家最想知就是BB究竟是男是女？未幾基仔再在社交網回答是一索得男。
恨B恨出面太太跟trip隨時造人
14年7月，基仔與Lorraine在美國拉斯維加斯註冊結婚，返港後出活
動才公開喜訊，結婚與生仔兩件人生大事同樣低調處理。其實基仔婚後多
次表明會不設防努力造人，非常喜歡小朋友的他，於15年獲法國北歐大學
頒授榮譽商管博士以及獲「世界傑出華人獎」時，公開揚言期待三喜臨門：
「多謝太太，請留少少時間和空間，期待她頒最大的獎（BB）給我！」
近年基仔為工作周圍飛，再加上展開世界巡迴演唱會，身為貼身助手
兼太太的Lorraine去到邊跟到邊，基仔笑言會一邊巡唱，一邊盡力而為造
人，而且仔女不區同樣歡迎！可惜造人唔係話有就有，都要講天時、地
利、人和，基仔亦唔介意同大家分享閨房事：「雖然要周圍飛，但老婆都
一齊飛，雖然唔知made in邊度，但唔緊要，made咗就得。（係咪佢點你
燈？）有呀，大大力咁點，點到著火呀！」
秘密在美國誕B 團拜活動唔見人為湊B
相愛多年熱情未減，47歲的基仔與50歲的Lorraine安然等待他們的結晶品，果然皇天不負有心人，有傳Lorraine去年底秘密在美國誕B，現在約三個月大，而日前基仔在社交網公開介紹囝囝出場時，表示本來想農曆年初一(1月底)報喜，礙於新冠肺炎開始肆虐，基仔決定留待4月4日兒童節再公布，不過日前卻有人恭喜他，基仔順勢一次過交代。
據知Lorraine去年5月懷孕初期時，基仔曾與她飛去首爾遊玩，雖然當時仍未腹大便便，但二人的合照都非常避忌，Lorraine只做影後及影大半身，知情者透露：「Lorraine婚後一直好努力搞好自己身子，話晒都係高齡，萬事都要好小心，一知道有咗基仔就減產，只係雙方家人知道，Lorraine就更加唔露面，全面安胎，而基仔只想專注照顧好太太同準備好BB出世嘅嘢，囝囝出世時就撞正新冠肺炎籠罩之下，基仔非常緊張，如非必要都唔會帶BB出街，百日宴都冇搞，總之就高度防禦啦！」其實基仔近月潛水有跡可尋，去年12月1日，他在拉斯維加斯完成世界巡迴演唱會後，有指他向公司請了長假，但行蹤神秘，直至今年1月中亮相導演張之珏的慈善音樂夜演出，當晚表演後他未有受訪即匆匆走人，而Lorraine亦未有隨行，再加上每年農曆年基仔與Lorraine一定大搞團拜活動，不過今年完全唔見人，原來是家有喜事。
大男孩變熟手爸爸
一直幻想自己兒子長相的基仔，終於唔使再靠apps去估估吓，據知「古
巨B」完全遺傳了基仔的大頭與五官，眼大大非常得意，基仔對住得意仔當
然是愛不釋手，恨仔多時的他，不想錯過囝囝任何一個成長片段，再加上
最近因疫症影響要停工，長期留家照顧妻兒，已令基仔由新手爸爸變身熟
手爸爸，換片、餵奶及揞瞓覺都完全難唔到佢，為了慰勞老婆陀仔與生仔
的辛苦，基仔更跟外傭學下廚，做個全方位的好老公、好爸爸。
有說生仔可以令一個人成長，升呢做人父從此兼負著另一個責任，從
前成個大細路的基仔，成家立室後愈見成熟，除了成功開拓國內市場大受
歡迎，開舖從商做老闆生意亦做得有聲有色，現在生仔的願望又達成，古
老闆仲唔係人生大贏家？
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
