翻拍《十月初五的月光》25歲小花做阿佘2.0 全新面孔選角初哥哥搵邊個做？！

原文刊於《東方新地》

何依婷演絕世港女豁出去成功上位

現年25歲無綫上位小花何依婷，除了外表甜美更加有觀眾緣，17年參選香港小姐成大熱佳麗，一直領先的她，雖然最終因頂級評判鄭裕玲將兩票給雷莊𠒇，令她只能屈居亞軍，不過民望早就跑贏冠軍雷莊𠒇備受力捧，18年何依婷更簽約成為無綫親生女。

參選時已得高層樂易玲點名力讚，指睇住她進步及好有自信，何依婷的確不負眾望，除了天資聰穎更聽話肯博，首次擔重戲的《機場特警》，她為演活絕世港女角色更加豁出去，在劇中不單著熱褲姣爆被楊明摸大髀，演網紅的她為向網民找數更三點式倒奶洗車毫不錫身，成功出位搶晒fo。據知情者透露：「無綫班上位花旦，唔係離巢就係嫁人生仔，呢兩年真係花旦凋零， TVB好緊張要捧新小花接棒，本來形勢大好嘅馮盈盈，又掛住瘟仔後勁不繼，無綫捧人更著重聽話同有觀眾緣，Regina （何依婷）外表甜美而且勝在身材勻稱，最難得係佢拍《機場特警》就算做絕世港女，都冇令人討厭，反而好受宅男歡迎，做港女都咁入屋，無綫幾個高層都開晒名讚佢，仲點名話捧佢做阿佘第二！」

新版《十月初五的月光》明年一月開拍

據知無綫已落實明年一月翻拍二十年前經典神劇《十月初五的月光》，由何依婷擔正女一演「祝君好」，當年劇集一出便令主角佘詩曼迅速走紅，成功打入一線花旦之列，這個無疑是何依婷出線大好機會。被視為是2000年無綫最經典愛情劇的《十月初五的月光》，阿佘演的「祝君好」以及張智霖演的「初哥哥」，雖然二人糾結愛情最後結局都未能圓滿，但甘為對方犧牲的無私的愛，已經打動萬千觀眾，兩位主角在最後一分鐘的重逢畫面，相信都令唔少人眼淚奪眶而出！而 ChiLam主唱的主題曲〈祝君好〉亦大受歡迎。

用回原有故事新版嚴選Fresh面孔

由於當年《十月初五的月光》叫好叫座，今次無綫再拍新版，會沿用原有的整個故事，而在《十月初五的月光》周旋於阿佘之間的張智霖、馬浚偉及唐文龍，無綫亦嚴選主角演出，據知文初（初哥哥）一角已屬意由現時一位當紮影星兼歌手出演，而備受無綫力捧的何廣沛、丁子朗亦是演主角司徒禮信人選之列，大隻仔郭子豪則演昔日令唐文龍受關注的「金勝」，還有當年演靈魂人物 Q姨的薛家燕，據知今次都有份參與演出一角。據知情者透露：「《十月初五的月光》係金牌編劇寶華姐（陳寶華）嘅作品，故事圍繞澳門十月初五街發生，雖然睇落故事好簡單，但係男女主角嘅糾結愛情有好多催淚位，據知會保留呢啲感人情節，始終套劇已經係廿年前作品，好多年輕人都可能冇睇過，無綫再拍就係希望用新手法拍攝，用一班 Fresh面孔，再次將呢個感人故事帶給觀眾，Regina知道會擔正女一角色都好緊張，呢排已經喺屋企狂煲呢套劇，參考阿佘演出再從中摸索。」當年佘詩曼出道也曾被彈演技幼嫩，拍該劇演技大爆發走紅，何依婷有大台 Backup，做阿佘2.0發圍絕對有機！

經典神劇《十月初五的月光》虐心戲感人