暗黑劇《十八年後的終極告白》 譚俊彥、黃智雯拍到崩潰
廣告
繼《天命》、《特技人》到最近嘅《法證先鋒IV 》，譚俊彥喺呢兩年間劇接劇，成為 TVB 新寵！下星期一 (20日 ) 出街嘅新懸疑劇《 十八年後的終極告白 》，譚俊彥將再度擔正，更首度夥拍黃智雯演出。新劇角色邪惡而且場面血腥，譚俊彥表示未敢讓年幼子女捧場。而由於劇情比較沉重，拍攝時差不多每個演員都長期處於抑壓狀態，連黃智雯自己都話唔想睇番：「 我唔想再跌入嗰種唔開心嘅感覺中。」
原文刊於《東方新地》
《 十八年後的終極告白 》懸疑中見人性
《 十八年後的終極告白 》未出街已引起熱話，皆因劇情故事吸引，由18年前的一樁殺人案講起，7個童年玩伴因錯手殺死黑幫分子，並合力將其埋葬，企圖隱瞞殺人真相。及後7人開始漸漸疏遠不相往來，希望可以把事情丟淡。至18年後，各自長大成人有自己的人生，但這時候屍體卻遭人發現並展開調查，真相將逐一被揭開……
18年前殺人案誰是真兇
飾演兇案7子之一嘅譚俊彥於劇中扮演一名會計師，原本前途一片光明，但因案件被揭發而面對重重壓迫，為了逃避罪責竟埋沒良知，及後更戀上飾演Madam嘅黃智雯，陷入多重關係困網中。與此同時，飾演黃智雯父親嘅林嘉華原來亦暗中追查事件，皆因死者正是其親生兒子，故他勢要將兇手繩之於法。另陳山聰飾演嘅黑社會大佬亦是兇案7子之一，他將與譚俊彥同流合污，並與飾演聾啞人士的楊秀惠發展感情。隨著真相逐步浮現，七子人人自危，到底誰是真兇？
演員挑戰高難度
譚俊彥一向予人忠厚老實好爸爸形象，今次破格演繹充滿陰暗面嘅角色，昧著良心過活，內心充滿矛盾與掙扎。為配合角色形象，譚俊彥今次更刻意減磅演出，表現投入又專業！星馬雙料視后黃智雯嘅演技出色唔在講，首次拍住譚俊彥上，新鮮感十足！
而去年憑《金宵大廈》首次獲提名角逐視帝嘅陳山聰，為劇中一場擂台自由搏擊戲份，積極加操鍛鍊，務求維持「爆肌」身段，加強角色的說服力及真實感。至於楊秀惠今次挑戰失聰人士角色，靠讀唇和手語來溝通，只能透過眼神和肢體動作來表達情緒，是演技一大考驗。楊秀惠更特意於開拍前接受了數月手語訓練，落足心機！各演員用心付出，的確令人期待！
