劉馬車直播認有意退賽 怒轟鍾培生係度縮有錢人 仲自爆拳賽酬勞得X位數
培生擂台︳劉馬車直播逐個鬧：霍哥最虛偽
劉馬車昨日（24日）直播講到明要爆大鑊，怒批鍾培生！劉馬車一開始已形容鍾培生為「好X度縮的有錢人」，仲講到自己已經唔想打，不過應承咗唔會反口咁解，所以會盡力打好個拳賽。有網民問到劉馬車做咩咁嬲鍾生，劉馬車表示佢提議邀請羅力威上嚟同佢合唱，多啲嘢睇，投訴鍾培生只係識打拳，唔識搞呢啲show。
網民又問到劉馬車最想同邊個對打，劉馬車笑言要打當然要與最勁的人打，就係甄子丹。另外提到前微辣成員霍哥時，劉馬車大鬧霍哥叫佢收x，為了「10雞嘢」做到狗咁樣，仲成日笑佢同周永恆、龍心，狠批佢最虛偽，係偽君子。
培生擂台︳劉馬車大爆打拳酬勞只有4位數
劉馬車講講吓，有網民留言話霍哥其實係收30萬時，劉馬車表示好驚訝「唔係呀嗎」，似乎真係完全唔知情，仲話以佢所知應該只有10萬。劉馬車仲大爆自己得4位數酬勞，講出嚟都笑大人個口，又話龍心都有十幾萬，自己勁激氣，覺得比人當咗傻仔，仲明言「就傻俾你睇」！
培生擂台︳網民：第一日識有錢佬咩
唔少網民表示劉馬車真係俾人水咗：「簽左合約先怨? 第一日識有錢佬咩」、「得4位數都走去打」、「霍哥30萬我信，大J都20啦，霍哥30唔出奇，龍心都係5-10萬合理，話晒特登英國返黎 水腳費都要呢個價，劉馬車一開始有人爆6000，可能都真」、「得幾千仲簽約，湯藥費都唔夠比」、「白卡本身就唔會有合約精神去操拳，比幾千買個人肉沙包差唔多價啦。」、「癲起上嚟會唔會打鍾生」、「作仔都有一球，馬車6000都應承邊有依家黎怨」、「六千都比多啦」、「你係值咁多」、「淆底唔想打咋」、「照道理所有既contract都應該係有保密協議」、「好慘 龍心又係白卡高佢咁多」。不過都有網民對劉馬車指自己只有4位數拳酬表示質疑。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
