50歲笑匠劉曉彤變樸素慈母 閨密重聚同宣萱破冰
廣告
04年結婚、06年產子，以前係大笑姑婆諧星一名，家陣就係三個兒女嘅媽媽，就快51 歲，劉曉彤生活圍著老公同仔女團團轉，周不時被傳媒捕獲，唔係去街市超市為一家五口採購食物，就係車出車入接送三個仔女返學放學。
撰文、圖片：東方新地
笑匠劉曉彤變樸素慈母 轉當媽媽界嘅KOL
呢日喺街頭見到劉曉彤，又係接就讀名校嘅細女放學，兩母女一齊去便利店買嘢，再一齊等司機接返歸。息影十幾年嘅劉曉彤無論身形、樣貌都冇乜大變化，仲keep得好好，難怪近年 轉當媽媽界嘅KOL！買完嘢行去街口等司機，一睇就知兩母女感情好，年約十歲細女雞啄唔斷敍述學校發生大小事，劉曉彤就側頭豎耳認真聆聽又不時評論兩句畀吓意見。
直腸直肚曾與宣萱姊妹反目 事隔多年終破冰
劉曉彤向來給人直腸直肚的感覺，花邊新聞不多，但當年就曾同宣萱鬧是非。話說二人因為性格合拍所以關係不錯，直到宣萱99年接受周刊訪問時，就指劉曉彤是非當人情，出賣不少朋友，更三番四次想害自己。劉曉彤被記者追問時就一問三不知表示自己不是是非精，最後親自結束呢段友誼。當年做藝人時年少氣盛直腸直肚得罪過人又惹過是非，今時今日做咗媽媽，係穩重耐心得多！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
