劉威煌演唱會情歌冧富貴老婆 億萬駙馬被嘲：軟飯都唔識食
廣告
億萬駙馬劉威煌日前在麥花臣舉行音樂會，富貴老婆林佳琪（Sandy）都有到場支持。劉威煌在Encore部分有感而發說：「有人話我軟飯都唔識食，我就係咁硬頸……」
文：東方新地 ｜圖：劉威煌IG、新傳媒圖庫
唱情歌冧富貴老婆
劉威煌（Ryan）14年秘密同有米老婆林佳琪（Sandy）結婚，有指太太是富家女，娘家在大陸經營礦業生意，家住半山區並持有多個物業，而Sandy本身有近億物業揸手，所以外界封Ryan做「億萬駙馬」。日前劉威煌在麥花臣舉行音樂會，太太都有到場支持，Ryan亦好識做在台上感謝老婆多年來的包容，更唱出情歌《你是如此難以忘記》送給太太，大晒恩愛。
億萬駙馬被嘲：軟飯都唔識食
到了Encore部分，劉威煌在台上突然有感而發：「有人吹到好大，話我係億萬駙馬，話我軟飯都唔識食，我就係咁硬頸，亦唔係乜嘢億萬駙馬。」之後Ryan接受訪問再補充說：「唔知點解有咁嘅稱號，網民有少少人生攻擊，話我『軟飯王』，又有人話我軟飯都唔識食，白癡！但我在明，佢在暗，無得玩，我問心無愧。」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
