54歲劉嘉玲出錢出力無架子！ 留港落區向弱勢社群派抗疫物資
廣告
平日熱愛旅行、識飲識食、懂得享受生活嘅影后劉嘉玲，近日亦關注到社會上一班弱勢社群，喺武漢肺炎肆虐下物資嚴重短缺，嘉玲姐決定身體力行親身落區向有需要人士派贈抗疫物資，愛心爆棚！
撰文、圖片：東方新地
劉嘉玲留港落區向弱勢社群派抗疫物資
肺炎疫情下，嘉玲選擇留港與市民共同抗疫，連日來更數度出動行善，佢先到庇護工場派米及口罩，嘉玲話：「留低嗰啲人係冇屋企人㗎喇，有屋企人呢就返咗去屋企。」佢仲同宿舍嘅小朋友玩遊戲又跳舞㖭！嘉玲慨嘆：「佢哋都幾艱難，平時要接啲手工藝返嚟加工，因為佢哋係有少少弱智，依家咁嘅環境可能更加難搵到嘢做。」
自言幫到人時自己亦獲益良多
嘉玲謂此行不單幫助一班智障嘅小朋友，自己亦獲益良多：「我去到其實都有得著嘅，見到佢哋好純真嘅笑容，好簡單，好易滿足，其實我都喺度修行緊，我都學緊嘢。」翌日，嘉玲再度走入社區，向長者派發口罩、生果、白米同飯盒，當遇上街坊要求合照時，嘉玲亦冇托手踭一一答應，更主動彎下腰配合小粉絲，又同排緊隊嘅老人家合照，一啲明星架子都冇，非常親切。心善則美，嘉玲姐真係由內靚到外！
關鍵詞
劉嘉玲
