劉佩玥經常「招牌單眼」放電有段故 原來係患先天性疾病

劉佩玥自爆患先天性疾病

劉佩玥近日與林秀怡齊齊現身小學宣揚護眼知識，活動上除咗大談保護眼睛嘅方法外，劉佩玥仲自揭原來右眼有先天性眼疾，患有家族性遺傳「外斜視」。而「外斜視」嘅其中一個特點就是一隻眼睛會間歇性地向外斜，而另一隻眼睛則保持筆直。

劉佩玥親解「招牌單眼」出鏡原因

而對於自己嘅「招牌單眼」，劉佩玥則指自己經常被問到為何拍照時會單眼，她笑着解釋：「係因為佢（眼睛）冇力，同埋佢Focus唔到，我影相時就要單起隻眼扮cute！」所以其實阿Moon單眼拍照係有原因，並非外界所指特意扮可愛放電。