全民造星5｜陳蕾出茅招搶隊員遭陳子豐公審 網民反而歌頌豹哥肯犧牲

陳蕾出茅招激嬲全世界

《全民造星5》導師分別為藍組：Jay Fung、Rosa；紅組：陳健安、陳蕾。雖然陳蕾自認打機另手速快，但實際上反應較差，經常在搶人環節不及藍組而未能招攬到最心儀的隊員。及後陳蕾與陳健安決定改變策略，將撳燈的步驟由原先的一人一盞變成陳健安一人撳兩盞，導致兩手空空的陳蕾經常在搶人環節騷擾對方，Rosa已經在鏡頭前多次投訴！

直至昨晚一集，WinWin男友99號黃家灝（KC）超班登場極速獲評判兩藍燈入圍，最後陳蕾竟然在鬧快撳掣搶人前一刻走到Rosa旁叫她，令Rosa最後受到騷擾之下手速略輸陳健安，最後KC加入紅組。被騷擾的Rosa 立即扯火，就連一向「好相與」的Jay Fung之後都忍唔住怒喝陳蕾：「奸茅！」

即睇片重溫：

陳子豐開Post怒轟質疑陳蕾人格

在該集播完之後，陳蕾的惡行令到ViuTV藝人陳子豐嬲爆忍唔住在IG Story出post，唔開名疑暗寸陳蕾寫道：

「呢幾年，我一直都有聽妳的歌，會因為妳得獎而在心中暗暗高興。但……公平公正喺比賽中真係好重要，騷擾別人從而得到你想搶嘅人，玩一兩次可以，但次次有妳想要嘅人就咁做，就會變得好難睇。
從來無懷疑妳嘅人格，但呢個show對妳嚟講都係一個真人show嚟㗎……如果我係對面嘅人，我講咗粗口行出間房好耐，佩服嗰兩位咁Nice嘅人。」

不過最後陳子豐在凌晨時分便刪除此post。

陳蕾出茅招 網民反應兩極

其實陳蕾的劣行已經不止一次，事關陳蕾多次因手速不及對方而失去多名大熱參賽者，她已經多次手口並用的出茅招搶人，例如捉著Rosa的雙手、擋住現場電視，導致藍組導師Jay Fung、Rosa特意用咕𠱸做圍牆嘗試防止陳蕾出招。

陳蕾除了得罪Jay Fung、Rosa及陳子豐，就連網民都對她的行為極為不滿，紛紛出Post，表明明知係節目效果都覺得「Over咗」、「本來我幾Like豹哥，不過頻密的茅招，扣咗一半分」。不過另一方面，亦有網民認為陳蕾所做的只是節目效果，直言沒有這些爭奪插曲的話節目「悶到唔想睇」，更稱因為陳蕾的茅招而更欣賞陳蕾，更有人歌頌陳蕾令節目生色不少「咁先好睇，唔係睇綜藝來做咩？」「我覺得佢好可愛做到氣氛」「呢啲叫真情情，另外兩位就討厭到極，又話自己Nice，就算係節目效果，個本性都出晒來啦」。