王鋒全民造星5｜屢獲負評被網民力數5宗罪 更指節目有造馬之嫌

全民造星5 10強｜王鋒20強對戰中唱歌失準仍獲激讚 被指造馬造到出面

王鋒在20強對戰中挑戰跳唱《Make a Wish》，又揚言以跳唱歌手為目標，評判王君馨睇得非常投入又尖叫，表示被王鋒迷暈了：「殺傷力都幾強！」另一評判泳兒亦心心眼，王鋒唱歌時明顯有走音，但表示：「唱歌方面，我比較介意係假音嗰幾個位置，係表演中嘅小瑕疵，我覺得唔係太重要。」評價明顯係有偏頗。不過有心水清網民留意到，那一集的預告片中，評判Edward Chan評王鋒唱功時說了一句：「我哋理性返少少，唱歌我不能夠大庭廣眾咁讚美你⋯」但正式播出時這一句評語卻被剪走，有網民不滿ViuTV只保留讚美評語，明捧「親生仔」王鋒，亦有人表示「我就真係想聽Edward的真話，我覺得Edward講嘢係持平、中立」。

旁白君在介紹王鋒出場時就重提臨時改舞步的事件：「喺評判眼中，王鋒展露鋒芒，但喺網民眼中，王鋒就係尾後針」，之後又播出導師對王鋒的評價，例如German指王鋒每次都做得好好，但看不見他有進展，而這種平穩甚至是暗下來，王鋒就解釋話想要平穩，不想有任何風險，所以今次選擇挑戰跳唱。最後他以5比0完勝阿生。

全民造星5 10強｜王鋒被勸退？！

王鋒在團體賽代表「Fung莎星辰」 dance battle，被「蕾安多芬」參賽者兼好友阿澤踢爆擅改舞步，隨即引來不少批評，ViuTV更疑似補拍王鋒「道歉」片段，節目編導在IG有弦外之音，疑似單打阿澤撐王鋒，網民不滿ViuTV內定王鋒為10強，而不停為他洗白。經過多輪比賽，王鋒變成《造星》負皮王，被嘲「王鋒尾後針」，網民更力數他5宗罪無資格入10強，更群情洶湧叫王鋒「讓位」。

全民造星5︳網民：大把人更有資格入10強

不少網民指王鋒由大熱跌落神壇，「跣人事件」只是導火線，大數他無資格晉身10強，被淘汰的參賽者包括做工佬Ritchie、Adams、Kakit甚至Owen都比王鋒更優勝、更值得入10強！

1.其貌不揚

網民直指王鋒唔靚仔，「樣衰得嚟似民工」、「鄉村味濃呀」、「個樣真係唔得喎」、「個樣已經話咗畀你知，陰陰濕濕無厘大方」、「好似鄧兆尊」、「佢太造作，成日喺台上扮謙虛，相由心生」。

2.品格問題

網民指王鋒個性格適合入「蕾安多芬」組，指他好勝心強，不懂謙虛，「有人被淘汰就奸笑」、「未紅已經話要做Anson Lo2.0，係咪太有自信」、網民又指在團體指定賽「窮人的薔薇」王鋒在評判面前認叻，品格好差，「嗰次係好多導師幫手，當評判問和音係咪你哋諗出嚟，王鋒搶住答話係佢諗出嚟，將功勞全歸自己，令人好反應」、「佢咁跣人，阿澤被迫喺鏡頭前局住講無損友誼，事實係王鋒家姐走去阿澤IG度鬧人，但又刪咗」。

3.實力不足

「佢係dancer當然跳得有水準，但又唔見得跳得好有個人風格，相比其他都係跳舞叻嗰啲，佢都唔見突出」、「大佬，佢唱到走晒音，仲讚」、「唱歌唔得啦，走晒音無人話」。

4.過份吹捧「王鋒好charm」

網民由海選開始，所有評判都大讚王鋒好charm，但在電視機前的觀眾無法有共鳴，力數他根本無觀眾緣，只是「過份吹捧，導師都話佢無進步無太突出表現」、「完全唔明點被佢charm到，我一啲feel都無」、「次次都有評判讚佢charm，好明顯係對白嚟，只係一場戲」、「係咁讚佢charm，但睇親佢表演都有落差，點charm呀？」

5.ViuTV洗白工程成反效果

網民力斥造馬太明顯，指ViuTV為王鋒洗白，反害了他，「一早叫佢認咪衰可能博到同情分，依家被人踢爆係補拍，仲鬧多佢幾重」、「只係剪佢啲鏡頭，又淨係剪評判讚佢嗰啲出嚟」、「阿澤都被淘汰，喺廿強比賽仲要剪番佢出嚟，ViuTV為捧王鋒，做法好肉酸」、「ViuTV做得唔好，應該叫佢直接退出，然後直接出道」、「直接比佢出道咪得囉，唔好浪費觀眾嘅時間，一班有水準潛質嘅參賽者，因為要補送王鋒入10強，就咁就被犧牲」。

全民造星5｜1號王鋒（Travis）大熱登場全獲7盞燈！

《全民造星V》昨晚（05/19）播出的第4集焦點，絕對係大熱門之一的26歲王鋒，他選擇表演Locking，以一身迷彩war game裝扮出場，跳健表現非常有力量又突出，三位評判在音樂都未播完之際一致藍燈，伍詠薇更大讚王鋒一步進舞台，她已經感受到王鋒「Ready」準備就緒要演出的心態；Edward Chan亦大讚王鋒表現沒有過分賣弄技巧。同時，導師們亦非常急進按燈搶人，成功加入導師韋羅莎（Rosa）和Jay Fung的藍組。陳蕾和陳健安（On仔）因為爭不到王鋒入組，嬲到要Check燈及睇慢鏡，陳蕾更話：「我哋係咪要拆夥？！」

全民造星5｜1號王鋒（Travis）跳舞 《Fall Back + Do Gypsy Dance》

王鋒全民造星5｜參賽者資料

王鋒（Travis）是一位巨蟹座的人，擁有著敏感、溫柔、善良、有創意的個性。在興趣方面，他喜歡做尖、歷險、放空等多元化的活動。他非常擅長跳舞和唱歌，常常在自己創作的音樂中展現自己的才華與熱情。

從MBTI角度來看，王鋒（Travis）是一位INFP類型的人。這種類型的人通常非常注重自由和多元化，對於創意和表達自己的情感有著極大的興趣和熱情。他們通常是非常有創意和靈感的人，也非常注重自己的獨立性和自主性。

總體而言，王鋒（Travis）是一位非常有才華的參賽者，他擁有著豐富的音樂創作能力和熱情，同時也注重自由和多元化的生活。他最喜愛的電影類型是卡通片，最喜愛的歌曲類型是Funk、House、RnB、Soul、New jack swing、Pop，展現出他對於多元文化和音樂的熱愛和包容。相信他能夠在全民造星5的比賽中，展現出自己的才華和魅力，成為一位傑出的音樂人。”