《全民造星4》正式接受報名！全新賽制只受女生報名！花姐要參賽者互鬥XX …？！

撰文：Lmc丨圖片：梁祖堯@IG、花姐@IG、彭秀慧@IG、保錡@IG、IAN@IG丨編輯：東方新地

《全民造星IV》6月21日公開招募 今季係「女生限定」!

6月18日晚上，在《調校你Mirror》第10集的廣告時間，ViuTV正式公開《全民造星IV》首條宣傳片，詳情如下：

女生們Ready !《全民造星IV》即將公開招募！
機會又嚟喇！《全民造星IV》下星期一（21/6）開始接受報名！
今季係女生限定，集氣打造全能女團，同MIRROR一齊炸爆個台！係咪即刻好有畫面呢？😎
趁有幾日時間，快啲影定靚相交上嚟啦！

《全民造星4》花姐大爆想加入更多戲劇元素

花姐大爆正準備《全民造星4》，今次更想加入更多戲劇元素：「可能要參賽者互鬥演技，《全民造星3》佢哋有實力但係冇機會，但係第4屆佢哋唔係冇機會，可能佢哋唔了解自己最好嘅一面而行錯咗路，可能《造星》個重點唔喺跳唱，可能發大少少喺綜藝或者戲劇。」

《口罩小姐》、《造美人》之後ViuTV再玩女生真人騷

近半年ViuTV舉辦了不少女生主打的真人騷，無論係「口罩小姐」或者播放中的「造美人」都有高度討論，奪獎的參選者出道後亦不乏廣告商垂青，今次花姐突破心理關口舉辦「全女班」造星節目，相信內心另有盤算，網友希望節目能直線抽擊9 月的2021香港小姐，勢必成為收視和廣告新一輪大戰！

全民造星4｜花姐斟掂梁祖堯做《全民造星4》導師

《全民造星3》節目贏盡口碑，除了多得A、B組的導師林二汶與彭秀慧領軍有功外，被A組參賽者暱稱為「媽媽」的客席導師梁祖堯（祖祖）亦功不可抹，梁祖堯用心去教導與指引，令節目內容更富娛樂性，而賽後花姐已斟掂梁祖堯擔任《全民造星4》的導師。

全民造星4｜花姐想有戲劇元素梁祖堯做導師勢在必行

《全民造星4》已在籌備中，今年勢必再搞《全民造星4》，《全民造星3》完結後監製花姐已被追問何時開始籌備，她笑說：「畀我唞一唞先，未開始工作mode。」不過梁祖堯早已收到花姐誠邀做《全民造星4》導師，不過他有條件，就是不想與林二汶做對手，因為今次他負責協助二汶，建立起感情與默契，參賽者更叫二汶做「爸爸」，對於明年做《全民造星4》導師，梁祖堯直認不諱仲表現好興奮：「花姐係有問我下年想唔想做導師？當然想啦！但就唔想同二汶做對手，我唔離婚呀！我唔要我哋個家散呀！哈哈！我想保住我頭家，唔知一齊得唔得？」有梁祖堯幫手，《全民造星4》肯定有睇頭啦！

花姐喜見IAN拍拖：Amy係個好positive嘅女仔，大家會支持

IAN是MIRROR成員中人氣極高的一位，不少歌迷視他為男神。被爆與盧慧敏（Amy）與陳曉華拍拖，花姐提到：「冇擔心過，佢哋未拍拖前我都話Amy又靚又善解人意又開心，同你（Ian）好夾喎！佢拍咗一、兩個禮拜就同我講。我甚至唔知邊個係陳曉華，出咗新聞我冇嘢，因知一定唔係佢。Amy係個好positive嘅女仔，大家會支持，見到佢哋冧滋滋真係開心。」另外，新城頒獎禮當晚Ian被影到跟Amy拍拖而冇出席活動，花姐也指大家誤會咗Ian，因為Ian真的請假5點前去處理家事。

花姐自言冇諗過放棄保錡

而比IAN更大獲的是保錡爆出跟沙律（張沛樂）拍拖，同時被指未與賴嘉賢（Carrie）正式分手，背上負心漢之名。花姐表示：「有唔開心鬧過保錡，但從來冇諗過放棄。我嗰時有鬧佢，你係公眾人物係咪唔應該咁，喺個live度講粗言穢語，會有小朋友睇緊，嗰刻我係好唔開心，我同佢傾大家對你comment都唔好，我哋消化吓件事，你趁呢段時間作吓歌，佢都好願望去做。」另外，花姐也認為大家應該原諒一個善良肯努力嘅人。