40歲關心妍操到人生最瘦的96磅 被老公嫌太性感漏夜縫衫
廣告
今年關心妍（Jade）重投歌手身份，舉行入行18年首次內地巡唱「TouchingMoment ConcertTour」，繼7月於廣州舉行首站後，12月28日將在東莞舉行第二站。早前就開記招宣布演唱會事宜，選了條靚裙後，竟差點和老公嗌交！
撰文、圖片：東方新地
人生最瘦96磅！關心妍想派福利老公唔畀
曾兩度踏上紅館的Jade，每次開騷前，Jade都會進行地獄操練，把自己操到最fit上台，經過一番努 力終於操到人生最瘦的96磅，日前到東莞舉行演唱會記招，Jade特別揀一條高衩長裙給歌迷驚喜，但前一日老公陪她試衫時，一見Jade穿上就投訴：「個衩太高喇！會唔會太性感呀？」既要滿足歌迷要求，又要顧及老公感受，Jade只好漏夜把高衩縫埋2吋，老公才勉強過關！
Fans投訴無唱《關家姐》盼尾站可回港開show
Jade又透露唱第二站，Jade邀請了一位神秘嘉賓合唱，她說：「呢位係音樂才子，為我作過歌，新歌〈時刻〉佢都有份參與。」東莞站之後，馬上就準備佛山站，明年3月Jade 的巡迴演唱會更會走到澳洲和美加，Jade說：「希望巡唱尾站返到香港舉行，好掛住香港嘅歌迷，上次紅館騷已經差唔多相隔七年。」香港歌迷等密切留意Jade公布嘅消息 ﹗
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
關鍵詞
關心妍
