傳12月結婚！林峯40歲生日在即 被胡杏兒催生BB
廣告
有傳林峯選擇了自己下月8日生日，和女友張馨月拉埋天窗，喜事打孖來。近來林峯正為《使徒行者3》埋尾，日前難得過澳門出席「第66屆澳門格蘭披治大賽車」，真係人逢喜事精神爽！
撰文、圖片：東方新地
林峯胡杏兒雞啄唔斷互催生BB
林峯一到場便神采飛揚，見到舊拍檔胡杏兒立即雞啄唔斷，更叫杏兒快啲生多個BB，杏兒立即笑謂：「生3個唔使做呀，你快啲生番個就真。」林峯完全唔避忌，更笑笑口話努力中！唔通真係有機會雙喜臨門？恭喜定先！
郭富城鄭伊健同場「風雲」再現
除了呢兩位舊拍檔，當日有不少圈中人出席，不過講到最矚目定必是郭富城和鄭伊健的出現，郭富城飾演步驚雲和鄭伊健飾演聶風再度合體，非常難得！
城城在IG留 言：「在會場內亦遇上《風雲》的『聶風師弟』伊健，大夥兒在後台拍照敍舊，也是開心。」更成為現場藝人的集郵對象，個個變身小粉絲！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
