傅嘉莉當年被疑是第三者 寸呂慧儀夫婦造新聞誣衊朋友
不過藝人傅嘉莉(Kelly)今日凌晨喺IG發長文，內容直指呂慧儀同黃文廸當年借佢造新聞，唔止話二人借朋友出位好無恥，令佢被加上偷食朋友老公之名，仲話二人再見不是朋友！
原 文：東方新地｜圖片：新傳媒圖片、微博、Instagram、 連登截圖 、傅嘉莉IG
呂慧儀 黃文迪宣布離婚
現年36歲的呂慧儀，於2006年參選港姐取得季軍後加入娛樂圈，並於2011年嫁香港先生男友黃文迪，二人育有一子，但前日呂慧儀老公黃文迪被踢爆在巴士上啜女，呂慧儀最初回應老公偷食表示「屋企事不回應」，但及後二人發表共同聲明表示已於2018年變回朋友關係，二人已於去年離婚，不敵七年之癢。
呂慧儀透過社交網站宣布離婚消息，全文如下：
「在不同的時空，兩個人可以相遇，相知到相愛，相處了十多個年頭，確實不容易，我們比誰還要清楚了解彼此，在四年前，我們有了愛情的結晶品，小生命為我們添上了很多家庭上的滿足和快樂，我們都感恩小生命的到來，希望他與普通小朋友一樣，平凡的健康快樂地成長。
我們在平和溝通下都有了共識，亦為免各界朋友有無謂揣測或聯想，今天我們想向大家作一次性的交代，我們已於2018年決定由夫妻變回朋友關係，當時的決定亦不涉及任何第三者。我們選擇低調處理是為免影響兒子的成長。」
「永恆不變的是，我們仍是兒子的父母，所以我們會共同撫養兒子，我們也會好好安排及處理兒子的事情，各界朋友亦不用擔心，希望大家給我們和孩子空間，讓孩子能與普通小朋友一樣，不受追訪下寧靜地生活成長。我們會一如以往的繼續努力工作及照顧好兒子。雖然身份轉為朋友，但我們仍是彼此相知和關心的，都希望對方能生活美滿。在此再次感謝各界朋友關心。」
傅嘉莉當年被疑是第三者
不過黃文迪疑似偷食似是早有前科，2013年時，佢喺IG上載咗張喺車廂內同一位搽咗黑色指甲女子十指緊扣嘅相片，而呂慧儀就喺微博話唔記得自己有搽過黑色指甲，仲問黃文迪係咪擺錯相，因而爆發第三者疑雲！
當時網民偵探上身，睇吓邊個同黃文迪認識又有搽黑色甲油，結果同黃文迪曾經喺過同一間模特兒公司工作，加上早幾日出活動又搽過黑色甲油嘅傅嘉莉，當時就無端端背上「偷食朋友夫」之名。而黃文廸事後公開表示︰「好愛蟹公主，一場誤會！」
傅嘉莉寸呂慧儀造新聞誣衊朋友
昨晚傅嘉莉忽然在社交網貼出「黑甲油」拖手相，仲撰長文反擊呂慧儀和黃文廸當年為了博見報拖她落水，偽造相片誣衊朋友：「為何他們兩夫婦 自己拖手 自己搽指甲油 自己在自己車上 自己影相 自己上載的相片 會聯繫到我身上」、「大家是朋友 亦是做同一行的 明白做藝人嘅形象是非常重要 為何為了曝光率 為了見報 就可以偽造一張相片 說這長篇大論嘅感言 誣衊自己嘅朋友 做這無恥嘅事情」！
呂慧儀曾為傅嘉莉澄清
睇返當年呂慧儀其實係有幫佢澄清，而傅嘉莉當時都留言感謝長腳蟹還佢清白，但原來佢未把事情放低。事隔多年後就喺人地離婚時重提舊事，言詞一啲都唔留情面，到底佢係申冤定係抽水呢？
呂慧儀發文 感謝有人關心
呂慧儀喺發表離婚聲明後喺IG Story上載一張文字圖，意有所指話：「I truly appreciate kindness. I appreciate people checking up on me. I appreciate a quick message，I appreciate those who ask if I’m okay，I appreciate every single person in my life who has tried to brighten my days. It’s the little things that matter the most.（我好感激你哋嘅善意，我好感激有人嚟慰問我，我好感激有人會發訊息，我感激嗰啲會問我係咪仲係OK嘅人，我感激生命中每個為我帶嚟希望嘅人，呢啲都係小事，但擁有最大意義。）」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
