35歲傅嘉莉唔靠「Sugar Daddy」回歸貼地生活IG派福利keep住人氣

Apr 22 2020

無綫旅遊節目《三日兩夜》長拍長有，而且輯輯話題收視都雙贏，皆因靚人靚景夠養眼，無數女神由此誕生囉。最新話題作係啱啱落畫嘅柬埔寨金邊篇，靚仔靚女楊潮凱同傅嘉莉（Kelly）呢一對外形襯絕又有新鮮感，最緊要女主角傅嘉莉識做，日日梗摷到幾張性感水著放上IG派福利。雖然出道以嚟名字不停同富豪級已婚大叔扯上關係新聞多多，但無可否認，擁有34C「Big爆」上圍嘅Kelly真係好大方，絕對唔會吝嗇晒身材㗎！

原文刊於《東方新地》

傅嘉莉唔靠「Sugar Daddy」回歸貼地生活

講開又講，早年身邊梗有個富豪級已婚大叔、收入又同支出疑似不成正比，坐頭等住豪宅出入有私人司機保母車侍候，近年專心拍劇嘅傅嘉莉確係勤力咗、生活貼地咗。繼早前被拍到幫襯平民實惠家品店自己砌櫃後，日前收工都唔見有靚車接送，反而用Apps call平民車離開喎。呢啲平民生活一般藝員仔慣用代步方法，唔知Kelly又慣唔慣呢？

早年遊山玩水坐頭等用名牌，近年靠拍劇入屋嘅傅嘉莉生活變得更貼地，雖然照常一身名牌，不過呢日喺電視城收工，竟然冇私人司機接送。

靠拍劇成功入屋，個人形象日日提升，傅嘉莉更獲無綫重用擔大旗做《三日兩夜》金邊篇女主角。

早前去日本旅行浸溫泉都不忘派福利，唔講唔知原來傅嘉莉已經35歲，真係keep得好。

回帶：傅嘉莉初次參演《3日2夜》拍攝金邊Resort大騷身材

擅長曬身材時時搏到盡的傅嘉莉，繼去年《識玩旅行團》之後再度拍攝旅遊節目，今次就係擔任《3日2夜》的主持！大家都知《3日2夜》的主持一律要「性感上陣」，這一點對傅嘉莉來說絕無難度，甚至係佢入TVB其中一個心願！傅嘉莉亦早就準備好激凸水着照作「預告」：「我的首次《3日2夜》緣定金邊，我終於拍到3日2夜！」

唔好睇我個樣好似好enjoy
其實只係因為太陽太曬擘唔大隻眼
所以索性瞇埋眼扮enjoy
影完依張相個鼻多咗幾粒雀斑
每次拍外景完全將皮膚豁出去
拍完第二日個膚色完全融入左柬埔寨生活
我已經帶咗三支防曬去搽

金邊最難忘：近距離接觸大象

節目前往Phnom Tamao Zoological Garden And Wildlife Rescue Centre，在金邊市郊，負責保育在野生環境下瀕危的大象，兩位主持在這裡跟象仔賽跑、近距離接觸。算是水著以外kelly最回味的旅程之一：

同行還有楊潮凱，早前在《法證先鋒IV》飾演智障浩仔獲網友激讚，今次就跟老友傅嘉莉到柬埔寨拍攝《3日2夜》。

重溫破格演出：《識玩旅行團》雪白泳衣派福利

Kelly經常上載性感泳衣照，去年年底拍攝《識玩旅行團》，傅嘉莉返大陸介紹獨立別墅浸私人溫泉，同行拍檔江嘉敏非常錫身「泳衣」包淨膊頭，而她就毫不吝嗇以純白三點式上陣，她在IG就曾表示「這身型台灣旅行之後消失得無影無蹤、最後後性感的一瞬間」，不過似乎過完新年之後身型又再回勇，去金邊著泳衣、全裸做Spa不成問題！