保錡遭女網民公開「露骨」錄音 現任女友懶理是非 隊友193：擔心他會崩潰

撰文：東方新地 圖片：deidaraanissa IG、保錡IG、沙律IG

保錡是非未停過 隊友193：擔心他會崩潰

保錡近日再次捲入是非漩渦，先有曾因搶咪事件不和的更生男歌手指他是「港版吳亦凡」，聲言已有7位女事主肯出來指證，要求對方向「玩過」的女士道歉，引起網民熱議。事件未平息，再有名叫「deidaraanissa」的女網民Anissa在社交網發限時動態，以「世上狗公千千萬flirt女都唔係咩大問題」，今次唔係得個講字，仲有疑似與保錡的私訊內容及對話錄音。不利消息連環爆出，隊友193出席記招時亦有表示擔心保錡會情緒崩潰，更表示相信對方現時心情複雜，但也不方便講太多，只向傳媒表示保錡有努力工作。

辣妹Anissa稱睇唔過眼

該名叫Anissa表示今次公開講保錡，是因看不過眼，見到有不少粉絲留言仍然支持保錡，認為是盲目跟風：「低質偶像配低質粉絲」、「你哋係咪盲x咗？好想畀大家知道佢有幾狗，唔好再畀我喺我ig見到有人話支持佢了！」、「做狗公可唔可以醒目啲！你依家好出名，玩得機智啲啦！」

露骨錄音曝光

Anissa聲稱在2019年自己和好友均被保錡flirt過，她指是「用一模一樣嘅對話內容flirt我best friend」，並上載聲稱是保錡和她的語音對話。對話中，一把疑似保錡的男聲說：「我好鍾意食嘢，互相食嘢都好緊要。」有把女聲回覆要入大埔的話，認為太遠的理由婉拒，之後疑似保錡的男聲說：「你想喺邊度食？最啱係食咩？你搭的士過嚟大埔咪得囉！好快之嘛！要搵個地方，兩個人共處一室、談吓心咁，好冇先？」對話非常露骨。

韓子亮咬住唔放 聲稱被滅聲

今次有份發起爆料及轉發消息的「更生男歌手」韓子亮，就在Anissa發布消息後表示仲有好多嘢未公開，但同時又連環出IG Story表示「公司叫我收聲」。

露骨私訊大公開

Anissa更展示2019年的對話截圖，圖中見有保錡的名字，疑似保錡評論Anissa的相片：

「對波有啲嘢，你幾時比我見下入面嘅嘢，要治療下」

女方則回覆：

「咁都有嘢？忽大咗你個腦！」

Anissa表明公開所有對話與錄音，唔係想紅，只係想笑吓保錡，點醒佢叫佢玩得機智啲喎！

身材火辣的Anaissa本身喜好拍照，亦活躍於Cosplay界，社交網有大量性感照：

女友沙律繼續撐保錡

至於保錡女友沙律張沛樂，就在社交網繼續撐男友，po出一對代表二人的情侶公仔，tag保錡個名寫上「七夕快樂！」