《東張西望》新女加盟 落選港姐何孟珊處女下海做主持

原文刊於《東方新地》

處女下海做主持

24歲應屆落選港姐何孟珊（Roxanne）日前首次擔任《東張西望》的外景主持，首個任務便是介紹盆菜，走入廚房試食「三姐」蕭秀香的秘製豬腳筋，可能她未習慣主持工作，在試食時竟然擰轉面背對鏡頭，十分搞笑！不過節目中Roxanne除了有少許懶音外，整體表現都尚算不錯。她亦好識做，在IG先戴定頭盔，留言說：「今次真係處女下海做主持，希望有咩做得唔好嘅地方，大家多多包容啦，繼續努力繼續努力！」

為選港姐唔做護士

《2020香港小姐競選》以疫市筍工為口號，亦為了爭呢份工大會以年薪過百萬、可以周遊列國、彈性上班時間、收禮物收到手軟等來形容的筍工。在疫情大爆發之下，為選港姐何孟珊亦急急辭去護士一職，並在其社交網貼出跟同事合照，話可能係最後一次著上護士袍，又以「前世做錯事今世做護士」來形容護士呢個職業。其實唔少落選港姐都會選擇加入無綫發展，應屆成功打入最後5強嘅何孟珊繼續留喺演藝圈追夢，睇嚟已無悔放棄做護士嘅決定。