何太直播不滿敗露行蹤 扯火狂鬧何伯半小時：你出街瞓！

何太激動叫何伯瞓街

何太激動指「你係咪又想我鬧呢？你又暴露咗自己喺邊？人哋打晒出嚟就要爆，你係咪想瞓街？唔好成日製造問題，我忍夠你啦！我受夠啦！」未收火再鬧：「你出街瞓，唔好再跟住我。你咁樣爆自己行蹤，激到我幾嬲，係咪想我同你離婚？」何伯則露出可憐的樣子回應：「梗係唔係，我都話唔坐喺呢度。」

何太人身攻擊：你就嚟80歲啦，都係咁死蠢

何太更明目張膽人身攻擊，大鬧何伯死蠢：「你果然每一下都中人哋計，你仲細個，你係3歲呀！你就嚟80歲啦，都係咁死蠢。你以前點搵食，你係食屎㗎！」

何伯被勸離開：我死跟住你呀

她又叫何伯以後不要再跟著她，何伯無奈地回答：「唔跟你跟邊個呀？」何太則回應：「返你啲仔女度！」何伯知錯認低威：「我冇仔女㗎我。我死跟住你呀。」突然間新何太又發火，怒罵何伯：「搞到都要死咁濟，都流浪咁濟，你都唔收聲！仲？？？保護自己，吓吓要去？？自己。」

何伯又吟沉了幾句，何太再猛烈進攻：「你冇用㗎你，唔好出鏡呀你。你認真害死人呀你，我救咗你幾多千次。我對你太失望啦，教唔精嘅點解呀？」這場面相當激動；最後，何太聲稱房間被撳鐘敲門，有網民推斷可能是公安找上門。

網民：一晚五次變一晚畀人鬧五次

事後，網民紛紛指何太終於「現形」，並表示：「如果佢係醒嘅，當初就唔會中你招啦！」「有錢小鳥依人，冇錢小你全家」「出字幕個位，listening 應該有5**」「何伯自己講 夠眼光 娶到個善良賢妻」「一晚五次變一晚畀人鬧五次」。

何太精選金句逐格睇：