三命｜何啟華被肥仔嘲劇集造型樣衰 用1招決心「外貌大升級」

ERROR何啟華被肥仔梁業嘲樣衰

日前，ERROR全體成員出席《CHILL CLUB》頒獎典禮。在接受傳媒訪問時，隊長肥仔梁業公開調侃何啟華（Dee哥）在《三命》中的造型「樣衰」，他說：「大家有沒有留意過阿Dee在《三命》裡面的造型？佢出街之後，我仲特意喺WhatsApp同佢講，『我真係從來冇見過你咁樣衰』，結果唔小心傷咗佢嘅心，搞到佢一時之間面對唔到大眾。」

何啟華一出道時髮際線超高

2014年，24歲何啟華旺角街頭拍MV扮劉德華鬈髮 《獨自去拖篋》，髮線就一直偏高，髮線上移問題甚至比63歲的劉德華更嚴重。

何啟華再遇偶像劉德華 在「夢工場」成長與承諾

2018年何啟華金像獎後台同偶像劉德華合照，2023年何啟華拍電影《焚城》得到監製劉德華探班再度合照，事隔5年再遇偶像，佢仲寫咗長文：

「華，夠夢幻嗎？ 你曾經模仿的這位偶像 今日你同佢喺同一部大製作電影出現 煞科當日特意前來送花祝福你以及其他演員； 今日你有份參演一部超過兩億成本嘅香港電影 海報上印有「何啟華」全名你竟然係主演之一」

何啟華從參與「夢工場」電影行業的經歷中，感受到幕前幕後每位工作者付出的血汗與淚水，回顧十多年前立志投身電影行業的初心，經歷意想不到的夢想成真後，開始思考能為香港電影貢獻什麼。雖然自認非天賦異稟的演員，但懷著不希望香港電影在自己這一代終結的信念，決心把握每一次演出機會，力求成長，以報答給予機遇的人。

即使目前能力有限，何啟華仍希望通過每一次演出、每一次宣傳，無論舞台大小，都能讓更多人知道香港仍有電影、演員和夢工場。他以「成為香港電影的最佳損友」為目標，秉持「只要還有希望，我去！」的決心，為香港電影努力。

回到未紅時客串閒角超用心演出

回帶到2018年何啟華未紅時，當時啱啱參加完《全民造星》，靠面試爭取角色機會，那怕客串閒角，仲只得一句對白︰「事頭請㗎，係咪好企理呢！」阿Dee當時仍用心去演《梅艷芳》，除造型上花心機，捲起衫袖，耳仔夾原子筆，配合80年代大排檔伙計look，連嗰句對白，佢都認真地同導演研究。

電影破億後 顏值決心升級！

何啟華在2021年仲拍咗一則養髮洗頭水廣告，嗰陣時網民都話：「點解你頭髮好似多咗咁多」，於同年開鏡《金手指》、2022年《毒舌大狀》票房破億後，疑似開始立心「改造」，並在2023年開始髮量問題大有改善，在2024年《飯戲攻心2》時正式改造成功，靚仔返曬！