九龍城寨｜林峯零偶像包袱獲大讚 被指非主角首選引作者火速8字回應
廣告
《九龍城寨之圍城》自上映以來話題不斷，票房高開之餘仲大獲好評，至今更已突破2500萬港元大關！早前監製莊澄就孖原作者余兒，齊齊現身資深電影人文雋的YouTube頻道宣傳兼接受訪問。莊澄就在訪問中透露了關於選角的秘事，更談及網民初期對陳洛軍選角的討論……
莊澄稱網民熱議「乜嘢峰」出演陳洛軍
在文雋的YouTube節目「文雋講呢啲講嗰啲Man’s Talk」播出後，網民對於主角陳洛軍選角的討論愈演愈烈。當小說確定會拍成電影時，不少網民都提議由謝霆鋒、余文樂、鄭伊健及彭于晏出演，而原作者余兒亦曾透露上述演員也是自己的心水。不過莊澄在訪問中表示：「的確陳洛軍，都係乜嘢峰嘅」未有直指是現時的男主角林峯。
文雋直言林峯孭票房有難度
在訪問中，莊澄被文雋問及為何會選擇林峯來飾演陳洛軍，而不是其他可能更能保證票房的演員，更直言：「林峯我老實講，其實我都好鍾意睇你嘅戲，但係你一向都唔係票房孭到飛㗎嘛」並向莊澄提問選角時是否有爭議或一早已經定好角色。
莊澄力讚林峯夠落力
莊澄認為鄭保瑞選擇林峯的決定是大膽的：「我嘅印象佢係一個靚仔偶像小生，但係依家呢個戲要爛撻撻，打到一個難民咁，我哋好多好經嘅演員都唔肯。」不過莊澄就對林峯的表現給予超高評價：「我有一次去片場，就問林峯喺邊，（佢哋話）打緊嗰個，我話打緊嗰個唔係替身咩？」大讚林峯訓練有素兼親身上陣的專業精神。
余兒8字回應選角爭議
對於外界有不少報導稱監製莊澄透露原選角並非林峯，以及因天下一投資此部電影而令林峯擔正一事，余兒就在社交平台駁斥是失實的傳言：「報導失實，呢個訪問我在現場，所以聽得很清楚。監製話網民自己估，導演早已選定林峯，那時候天下一仲未有份投。」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：YouTube@文雋 講呢啲 講嗰啲 Man's Talk、Facebook截圖、YouTube@GSCinemas、IG@lam_fung_official、Yahoo新聞、電影《綫人》截圖、電影《寒戰II》截圖、電影《龍虎鬥》截圖、電影《古惑仔之人在江湖》截圖
