賈名媛35歲邱芷微《中年好聲音》拋離「屯門娜娜」 男友患癌鼓勵追夢

「賈名媛」35歲邱芷微 2007參加歌唱比賽入行

35歲的邱芷微（Chelffy）近年憑處境劇《愛．回家之開心速遞》飾演「賈名媛」成功入屋，IG粉絲人數約3.5萬，人氣相當不錯。其實Chelffy於2007年參加歌唱比賽奪得季軍入行，2014年因拍攝紙巾廣告為人熟悉，更被網友封為「紙巾妹」。

患癌男友鼓勵追夢 人生就是要不斷進步

邱芷微今次勇敢追夢，全靠患癌男友陳志忠鼓勵，她在IG感性留言：「佢（男友）認為人生需要有目標，而透過比賽才會發現自己有幾多進步與不足。人生就是要不斷進步，而唔係人到中年就唔會進步，唔可以追夢，甚至放下腳步等死。的確，病痛的經歷令到我們兩個在看人生觀念上有所改變，所以才希望在有生之年做更多無悔的事情，豐盛人生。」她又於IG戲言自己和其他參賽者絕非「人老珠黃」：

「我哋每位都精力充沛，一齊加油Enjoy the Stage。」

兼職朗誦導師

自己忙於比賽之餘，另一方面我都忙於指導學生們參加校際朗誦節的朗誦教學及為學生的比賽錄影。大家都要比賽，大家都要一齊努力。大家都練到口乾咁滯！她又表示，其實朗誦及唱歌都係同樣需要聲音運用的藝術，「呢排唱歌唱得多都對我嘅朗誦教學好有幫助」！

《中年好聲音》出有人歡喜有人愁

周日晚播出的首集睇頭十足，觀眾比較熟悉的參賽者將輪住登場，包括有「屯門娜娜」之稱的董幸兒、樂壇天后李玟的胞姐李思林、前港姐冠軍曹敏莉的胞妹曹敏寶、曾出道做歌手的周吉佩、組合E-kids成員郁禮賢等，當中有人歡喜有人愁。

新秀舊將首集登場

至於人氣榜NO.1的顏志恒亦會於首集登場，他在節目中透露：

「我其實都參加過大型歌唱比賽，好似新秀咁，但我就連複賽都入唔到，但我冇放棄，我真係好鍾意唱歌，我匿埋喺屋企廁所自己唱、日日唱，我一定要做到今日！」

志恒再度獻唱《一首歌一個故事》，其深情的演出獲評審一致好評，肥媽大讚他有Passion：「好唱到《一首歌一個故事》嘅故事。」就連出名要求高的張佳添都說：「我覺得你係黑馬嚟！」另首集還有很多感人追夢故事，內容充滿着洋蔥，敬請留意周日晚播出的《中年好聲音》。

《中年好聲音》人氣榜Top 3

《中年好聲音》自九月公開招募後引來不少回響，短短數周吸引約3,000人報名參加。經過多輪面試後，100強終於出爐，日前其中31位參賽者已率先現身記者會。為了延續「中年追夢熱」，無綫facebook專頁「See Saw先」日前（10日）發起畀Like大行動，測試100強參賽者人氣指數，活動反應熱烈，短短數天共吸逾13,800 Likes（數據截至15日中午12時），人氣暫時最高的頭三甲分別為邱芷微（396票）、潘世華（371票）及李泇霖（367票）。