「音樂女神」海兒難忘斷臂歌手啟發 大爆1件感動事充滿洋蔥

海兒：搵出每個表演者改善嘅地方

海兒表示「之前有做過古典音樂比賽嘅評審，今次流行音樂加上少少綜藝元素係第一次。」由於古典音樂與流行音樂的差異甚大，她特別在專業用詞的中英翻譯上下了一番功夫。「因為自己學咗八年嘅Classical Singing都係用英文教學，好多關於唱歌技巧、用詞都只用英文，所以上節目前，我會喺一啲重要嘅詞彙、常用嘅字睇返中文詞語，唔想過分中英夾雜。」此外，她還重溫了前兩季的節目，並聽了不少流行經典歌曲來做準備。「自己模擬番個拍攝情況，到第一次聽完參賽者表演，即刻根據自己寫嘅notes、搵出每個表演者好同可以改善嘅地方。」

難忘失去雙臂歌手啟發

在節目拍攝過程中，海兒感到非常新鮮，也發生了不少趣事。「海選嘅時候要認真聽、分析參賽者嘅聲音，我會瞌埋對眼，因為我覺得瞌埋對眼可以shut off咗一啲感官，我嘅聽覺會敏感少少，所以我好多時間都會瞌埋眼。到中場休息，我經理人走過嚟同我講啱啱嚇死佢，因為佢見到我瞌埋眼以為我瞓咗，佢勁驚，哈哈，滴晒汗，點解我可以瞌埋眼咁耐，呢件事真係好好笑。」

她還提到一位特別的參賽者李金凱，他雖然失去了雙手，但在台上的表現令人震撼。「佢好勇敢咁企喺台上面，唱得非常之好、好震撼。最令我印象深刻係佢超級正面，正當好多人為佢嘅遭遇感到傷心嘅時候，其實佢係非常之positive，佢令我感受咗好多，特別係音樂、做人處世同埋面對難關方面，亦都係對大家一個好好嘅Inspiration。」

強調「感恩」重要性充滿洋蔥

海兒強調了感恩的重要性，充滿洋蔥：「自己由細到大學音樂，之後順理成章將音樂變成事業。其實幸福非必然，好多人細個想學音樂，但冇機會或者冇人鼓勵，長大之後自己未必有信心、又或冇時間，又可能係經濟問題，冇辦法實踐自己嘅夢想。所以我好珍惜自己每一次可以上台表演、可以分享唱歌、可以分享我嘅聲音嘅機會。」她也鼓勵大家不要放棄。「只要俾自己一個機會，表演不單止係一個展現自我嘅平台，更加係一段認識自己、接納自己，並影響身邊所有人嘅旅程。希望大家都可以繼續唱歌，體驗更多然後分享下去，加油！」

38歲失去雙臂歌手1原因勇敢追夢

李金凱透露自己年幼時很調皮，大約10歲時因觸碰到5千伏的高壓電而永久傷殘，失去雙臂，但他未有對人生失去意志，反而比任何健全人士更樂觀，除獲身邊親友支持，90年代廣東歌更陪伴他度過最黑暗的時光：「身邊朋友、同學沒有把我當作殘疾人士，所以很快便走出來。加上那個時期深受香港文化影響，經常聽Beyond、譚校長、『哥哥』張國榮的歌，年青時香港文化、音樂貫穿了我整個青春，陪伴了我人生的低谷。」