中年好聲音3｜李金凱另類「彈奏」感動全場 獲封「中3天使」兼力讚應再攞MVP

中年好聲音3｜李金凱另類「彈奏」極感動

李金凱昨晚以歌曲《當年情》對戰占士丁丁演唱嘅《Hello》，李金凱一登場就已經為各位帶來超大驚喜，皆因失去雙臂嘅佢以雙腳彈奏結他，極高難度演奏令現場觀眾及評判都齊齊為佢鼓掌！

李金凱演唱後更表示參賽所選歌曲都係有自己嘅故事，而《當年情》便是送給自己嘅童年：「有一句歌詞，就是『從前夢一點未改變』。我呢，送給我童年的自己，如果有一天做夢的時候，我夢到他，我會說，你放心，我沒改變。」令在座評判都忍唔住感動落淚，就連張佳添都大讚「金凱好似係我哋呢個比賽嘅一個天使」！

中年好聲音3｜網民力讚值得再攞MVP

李金凱嘅演出隨即引來唔少網民留言力讚：「金凱真係中3天使，每次演出都令人感動」、「我們哭，不是因為憐憫，而是被您強靭堅毅的心志所感動」、「其實金凱除咗唱得好之外，亦無話去賣慘搏同情，而且佢真係好正能量」、「單單聽結他嗰段已經贏九條街，好有feel，好貼合首歌」、「看過十幾年前關於金凱的文章，講述他年輕時用腳練寫字，經常弄得滿腳趾是水泡和血。今天他彈的每一個音，背後充滿血和辛酸，怎會不感動人？」、「94分低了很多，我覺得呢個表演值100，值得再攞MVP！」