《中年好聲音3》挑機觀眾高調賣慘 連環慘情個案大放送收視見真章

《中年好聲音3》特意安排慘情個案大放送

在最新一集《中年好聲音3》，節目就以「有故事的人」為主題，特意安排多個慘情個案放在同一集，包括為亡夫參賽的80歲婆婆羅秀蘭、「抗癌勇士」任永健、「斷臂壯士」李金凱和來自破碎家庭的鍾凱瑩。一班評審都因為參賽者的故事忍不住流淚，多位「有故事的參賽者」都齊齊獲得好成績。

網民反應兩極：班評判淨係喺度聽故仔

不過網民對於今集反應兩極，有網民認為雖然上季都有參賽者賣慘情，但今季就賣得太露骨，好多參賽者都故意講故事博同情，應該將節目名改作《慘情的聲音》：「班評判自己都唔知做緊乜，淨係喺度聽故仔，邊個講得最慘就最高分，一屆不如一屆，垃圾當寶品」、「好多參賽者都出來說故事搏同情分，我不是涼薄，但覺得有點夠了！」、「聽完咁多故事，差啲以為呢個係終年好聲音」、「乜唔係歌唱比賽咩？點解有故事就可以情感勒索㗎！不知所謂！」、「爭在無人起死回生，喺棺材彈返起身追夢，希望無線搵到啦！咁收視肯定破25點」。

不過亦有網民認為慘情故事並沒有影響評審的判斷，該高分的參賽者獲高分，表現不佳的參賽者亦沒有因此而過關：「不能一概而論，我覺得啲評判說話都幾中肯，也不是所有講慘都多燈，例如：80歲羅秀蘭都係得兩燈！冇咗兩手臂的參賽者的確唱得好，值得五燈！」

最新收視出爐 證明賣慘收視高

雖然網民反應兩極，但依然沒有影響《中年好聲音3》的收視。根據最新收視報告，《中年好聲音3》最新一集獲得最高收視22.4點（146萬觀眾），再創節目開播以來最高收視，證明賣慘的確收視高！