中年好聲音3丨劉曉昆被指表演作狀低分出局 金曲變兒歌 網民：唔好扮可愛啦

《中年好聲音3》劉曉昆羅逸軒低分出局

《中年好聲音3》昨晚（14日）一集，劉曉昆上台自彈自唱《分分鐘需要你》，本來開場氣氛唔錯，但去到尾段突然變調，仲即刻放低結他，又唱又跳，畫風突變。車婉婉直言從未見過有人唱呢首歌會咁多動作，評審肥媽同張佳添都覺得她未能充分表達出歌詞當中的情感。雖然劉曉昆嘗試以活潑方式突圍而出，但結果可能有啲反效果，最終只攞到83分，成為全晚最低分之一，與羅逸軒齊齊出局。

劉曉昆表現批過火 網民：唔好扮可愛啦

不少網民都認為劉曉昆昨晚表現太過火，狠批她的聲線難聽、咬音不清，甚至「唱到不知所謂」，與初登場《如願》的水準相差甚遠。過分扮可愛的作狀表演更被指「想嘔」、「尷尬」：「唱成咁，都有83分😡 究竟係唔係比唱歌！」、「咬音差過丁丁好多好多！唱到不知所謂！」、「佢扮可愛我想嘔呀」、「昆姐唔好扮可愛啦」等。

林子祥都無語了！！

原唱者林子祥嘅評語表示：「呢隻歌我唱咗好多年啦，咩嘢方法都試過有快又慢，不過冇咁樣跳舞，反而去到最尾嗰幾句就最有感情，你今次唱呢首歌，咩（元素）都擺晒落去啦，咁呀祝你⋯⋯」最後林子祥苦笑幾聲，無言以對了。

網民嫌劉曉昆常走音 本人霸氣回應

有網民討論：「唱歌最基本嘅條件係音準，咬字發音同拍子要準」以20強進入16強淘汰賽一集為例，劉曉昆唱出《愛上一個不回家的人》獲86分。不過有網民再批她的致命傷：「咁樣都有86分😢走晒音表情多多」、「其實佢每一次唱歌個樣都非常痛苦，我睇得都好辛苦，好多次唱得好差都一定要留住」、「劉曉昆唱成首歌得過嘈字」

網民還貼上劉曉昆早前在社交平台回應批評：「走音說明我們不是機器人啊！ ！ ！有人情味才會走音！懂不懂～～」

網民咬住唔放：死雞撐飯蓋

不過有網民似乎對劉曉昆咬住唔放，嘲她死雞撐飯蓋：「即係話唔就音就冇人情味」、「講得合理，但走音邊有資格去到16強，廿強都嫌多啦」、「又唔見劉洋張與晨無人情味」

劉曉昆首次錄音感受：自己粵語不好 本來很緊張

20強主唱的《中年3》主題曲MV《發亮》早前播出，劉曉昆在社交平台分享第一次進錄音室感受：「真正的錄要發行的歌，好神奇、好興奮～張家誠老師好溫柔好溫柔好溫柔，因為自己粵語不好，本來很緊張，但是老師的溫柔讓人一下子就放鬆了～很幸運～很感恩～珍惜當下～人生還有很多東西需要學習」。