中年好聲音3丨伍仲衡被「炒魷」後換2人選上陣 疑搶先透露30強重大事件！

陳奐仁黃凱芹拍住取代伍仲衡

陳奐仁接受媒體訪問時透露，他早在半年前就已經收到了擔任節目評審的邀請，不過就因為忙於嘅演唱會以及到外地工作，因此無緣參與節目錄影，更爆笑稱：「節目係咪換人，我就係陳奐仁」。而黃凱芹則表示他是在2個月前接到邀請，而當時並未傳出任何人事變動，因此相信今次只是巧合。

不過對於2人將會是客席還是常駐評審，他們會就表示尚未知悉，但亦直言如果TVB再次邀請他們擔任評審，他們都會非常樂意接受。

新評審陣容網民意見兩極

對於創作才子陳奐仁以及「靚聲王」黃凱芹嘅加入唔少網民嘅意見就十分兩極：「好可惜，沒有伍仲衡，節目失色不少」、「冇伍Sir的話個個都五燈了」、「黃凱芹感覺有點自戀+自我，真係適合做評審咩？ 」、「黃凱芹真係有資格」、「新陣容感覺更值得期待」、「早就該換走伍仲衡啦，之前被選手爆料唔專業喎」

布志綸都被換走 海兒回歸無期

對於換上2位新評審一事，就有網民稱：「黃凱芹係頂布志綸個位，陳奐仁先至係頂伍仲衡」直指取代客席評審海兒嘅布志綸都要被換走！不過節目中嘅仙氣女評審海兒（Hedy）於第10集後就未有再出現，雖然曾被指會取代伍仲衡，但係今次陣容公開就未有海兒份，幾時回歸節目尚待通知。

30強疑有選手退賽？

節目昨晚（15日）播出60強第3回合，伍仲衡仍然於評審席上，按賽程應該尚餘一至兩集未播出。而伍仲衡於本月7日接受訪問時曾提到《中3》已錄影至27強，現時由陳奐仁及黃凱芹頂上擔任評審，換言而即將錄影嘅就會係「27強淘汰」，不過60強PK戰後理應剩低30名參賽者，伍仲衡透露嘅27強為止是否代表額外有3人退賽。