不正常愛情研究所｜黃紫恩憶大學瘋狂歲月 前亞姐范莎莎自爆性史
廣告
逢周四晚11點播出的J2節目《不正常愛情研究所》，最新一集由黃紫恩（Jojo）、吳兆麟（Alan）、胡敏芝（Karen）連同兩位客席嘉賓麥惠琪（Susuca）、文頌男（Koba）主持，主題是「大學瘋狂歲月」，嘉賓則是《CP訓練營》受訓者之一的范莎莎（Zaza）。
《不正常愛情研究所》黃紫恩 爆 O’camp 成組爸組媽獵食場
講到大學住Hall的經歷以及O’camp玩得有幾癲時，黃紫恩（Jojo）就大爆︰「玩得最亂都係組爸、組媽，啲組仔、女都係俾人玩。」原來 「組爸」和「組媽」起先會互媾，到 O’camp 就會尋找新目標，下層的「組仔」、「組女」都會成為被獵食對象。
Susuca撞破乘客在飛機廁所「搞嘢」
此外前空姐麥惠琪（Susuca）都有料爆，她憶做空姐時曾親身撞破一對男女在飛機廁所曳曳，當時她去巡廁所，卻聽到入面有一陣嘈吵聲，但她一敲門，入面就忽然靜晒。
空姐有鎖題可unlock
Susuca心裡有數說︰「跟住拍多兩三次門，都係冇反應。跟住我同入面嘅人講，我哋有鎖匙，可以喺出面unlock，冇事你哋就出返嚟啦。」最後一男一女死死地氣前後腳行出來。
每15至30分鐘巡查一次
Susuca透露航空公司有規定不可二人共用廁所，同埋空姐要每15至30分鐘巡查，以免出意外沒人知，所以空中「搞嘢」真係無處可逃，只會為全航班空姐提供全程「花生」。
范莎莎食盡不同國籍男友
而25歲的嘉賓范莎莎（Zaza）曾到英國、荷蘭留學，見盡外國風情，更同不同國籍男仔拍過拖，她直言最欣賞夠猛的德國男仔，又試過同浪漫的法國男友咀嘴，結果最後錫到頸痛。
自爆桑拿房同男友曳曳
Zaza自爆大學時期試過最勁的crazy sex，是在桑拿房同男友進行，她說︰「嗰時係荷蘭同第一個男朋友去做桑拿，荷蘭啲桑拿室有幾間獨立房，男女一齊。嗰日冇乜人幫襯，趁有間房冇人，就同男朋友喺房曳曳。」Zaza笑言假如有人入房，都不知道如何是好。
感嘆在香港冇市場
Zaza又自言大學時期只拍過3次拖，各主持都不大相信，她就再解釋話男朋友有「正式」及「非正式」之分！其後Zaza在社交網都忍不住感嘆自己「喺香港冇市場」，不及在外國受歡迎。
《不正常愛情研究所》大學瘋狂歲月：
有片睇！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
圖片來源：J2提供、IG@zazafanzaza
