三哥苗僑偉戲稱老婆係「天涯歌女」 三嫂處女唱揭全場高潮

撰文、圖片：東方新地

三哥苗僑偉讚老婆好唱得最叻搞氣氛

三嫂戚美珍處女公開在台上獻唱，一口氣唱出三首歌，歌喉拍得住專業歌手，令現場氣氛瞬間高漲，老公三哥亦專程來捧老婆場，在後台更孖住做訪問，三哥苗僑偉送花又大讚老婆：「多得我喺台下大叫安哥，所以三嫂咁夠氣囉。我封三嫂做天涯歌女，佢乜都識唱，唔單止唱K，有時喺朋友聚會一有冷場，搵三嫂出嚟唱歌順便搞埋氣氛。」

三嫂則謙稱只是心口有個勇字，又笑答點解咁夠氣：「做咗阿媽練番嚟嘅，因為做親媽媽都要好長氣。」三哥叫三嫂索性做歌手，三嫂笑言：「諗咗幾十年，不過冇人搵！哈哈！」

李司棋陳法蓉台上爆料證賈思樂人緣好

除了戚美珍、毛舜筠、向海嵐獻唱之外，好友李司棋和陳法蓉則在台上負責爆料，陳法蓉爆賈思樂為人烏龍，試過出埠旅行，卻記錯集合地點，差啲上唔到飛機，賈思樂笑住話自己冇記性！得到一班好友撐場又獻聲，足見賈思樂在圈中人緣非常好！