青春不要臉｜有片！扮周星馳鬧雙胞！林景程客串聲演意外神似

林景程聲演「金水」介紹大肉腸

林肯「愛將」林景程上回在《香港愛情故事》飾演地產經紀彈出，今次只客串一場飾演的士司機，一貫咁多口水，這個的士司機沉迷「舟仔」的演出，在車程上重演《他來自江湖》星爺對白都有七八成似，有網友表示「原來《香港愛情故事》地產仔Henry個亞爸80年代係揸的士」。

去片： 林景程聲演星爺（頭一分鐘演出）

丁子朗戴祖儀重演1989年《他來自江湖》經典一幕

說回丁子朗的演出，在第13集 《青春不要臉》溫楚瑜（戴祖儀飾）及齊輕舟（丁子朗飾）有場接吻「戲中戲」，其實是向經典劇集《他來自江湖》致敬，當小瑜成面血喊住問舟仔：「咁係咪冇人要我，你要我先？」以及舟仔說畢「冇人要你，我要你」後的行雷閃電畫面，完全令觀眾回憶返晒嚟，除了大談當年這套經典劇集外，更大讚舟瑜感情線感人，網民留言：「梅小惠流晒血，當年劇情好好笑」、「舟仔咁長情」、「佢兩個條感情線好睇」。

丁子朗翻睇《他來自江湖》好多次

丁子朗受訪時則坦言能夠向《他來自江湖》致敬，大感幸運：「當時星爺同小惠呢個場口好Iconic，我哋拍之前都睇咗好多次。我哋好希望觀眾睇完後會有共鳴，如果做得唔好，希望大家多多包容。」

他來自江湖｜周星馳圍揼梅小惠、硬啃爆缸「甩頭芝」

1989年播出的《他來自江湖》第三十集大結局，當中超經典一幕，周星馳（何鑫淼）與梅小惠（甩頭芝）被人捉去後，為睇《伙頭智多星》大結局，氹掂看守他們的人暫放出來一齊睇，梅小惠趁機用壘球棍扑暈對方欲偷走，事敗後，周星馳為自保竟打埋一份甚至用到壘球棍鑿梅小惠。事後星爺問被圍毆的梅小惠傷勢，小惠回眸一望血流披面，周星馳辯稱用壘球棍替她擋其他人的拳腳棍，小惠怒罵他不負責任。星爺話一定會負責，小惠即表示：「係咪我冇人要你要我先？」星爺指如果你冇人要我要你，言畢即行雷閃電，小惠冧爆話：「咁你放心啦，我冇人要㗎！」場面爆笑。