一舞傾城|34歲何浩文演姑爺仔 初出道與糖妹拍拖被狠飛!


「姑爺仔」何浩文大鬧蔡潔係「雞」
昨晚(26日)播出一集,劇情講到「姑爺仔」何浩文氹掂蔡潔打本做生意,惟蔡潔無意中發現何浩文出軌偷食,令她大感心痛。自覺癡心錯付的蔡潔向何浩文攤牌講分手,何浩文竟無恥地反斥蔡潔陪瞓:「我一直都當你老婆,直到你做雞!」蔡潔聞言心死謂:「係呀,我做雞都係因為你呀!我班姊妹話我唔值得咁做,因為你係姑爺仔!」何浩文惱羞成怒掌摑蔡潔,暗戀蔡潔的楊明見狀即痛毆何浩文。


蔡潔:戀愛中嘅女人都係盲目
蔡潔終於與渣男何浩文分手,不少網友開香檳叫好。提到網友覺得她癡心錯付,蔡潔解釋謂:「其實Monica唔係白癡冇腦,每個戀愛中嘅女人都係盲目,只不過佢係好盲目咁解,佢同呢個男仔3年都知道佢咩人,只係佢選擇相信呢個人會改,只不呢個男比較自私,但佢唔係唔愛呢個女仔。」

Monica黑化?蔡潔預告:佢有啲嘢改變
蔡潔透露和何浩文事前有商討如何演繹這段關係,她說:「唔想呢段關係好公式化,一個傻妹遇上渣男,而係想展現到畀觀眾睇,點解呢個女仔咁盲目去相信呢個男人,佢哋兩個嘅感情唔係假嘅,其實女朋友下海,個男仔都會傷心。」並謂很開心角色能夠獲得同情。提到有網友擔心Monica會黑化,蔡潔聞言意有所指謂:「睇吓大家點定義黑化,劇集後半段會有啲事情發生喺Monica身上,佢會有啲嘢改變。」

蔡潔:智者不入愛河
問到現實中的蔡潔是否「戀愛腦」?她笑言:「有一句說話『智者不入愛河』,大概係話如果想保持理智就唔好戀愛,但愛情係人生中好重要嘅嘢,當愛情來到就好似一場賭博,要跳入呢條河需要好大勇氣。依家嘅我會覺得要用理智嘅心情去睇每一樣嘢,包括愛情;如果愛情真係嚟到,我覺得我依然會好似年輕時咁樣,有跳入呢條河嘅勇氣。」

何浩文女友曾是王晶旗下藝人
在劇中演渣男的何浩文,現實卻完全相反,他與拍拖5年的女朋友網紅方韻婷感情相當穩定。早年方韻婷的爸爸於內地猝逝,何浩文立即棄掉酬勞達6位數字的廣告陪伴方韻婷在側,渡過喪父之痛,此舉更令女方相當感動。何浩文女朋友方韻婷(Natalie)在網上頗有名氣,早年曾經簽約模特兒公司,及王晶旗下經理人公司,後來完約後轉為以自由身發展。2016年剛剛畢業的時候,就被公司派往參加《美選D.n.A.》,不過她還是20強不入。入行後參演過《追龍II:賊王》、《老闆娘》、《金錢帝國:追虎擒龍》 以及網劇《冒險王衛斯理之無名髮》 ,演出經驗其實不算很多。









何浩文蔡潔被拍到上酒店房 曾喪黐王晶女王子涵
何浩文去年拍攝《一舞傾城》時,曾被傳出背女朋友偷食蔡潔,後來他解釋只是到寧波探望拍劇中的吳業坤。何浩文更被拍到與蔡潔上酒店房,他指其實房內有不少朋友。他表示女朋友不會擔心自己,因他經常會報告行蹤。他更謂視女友為結婚對象,表示想盡快搵夠錢返香港。身為王晶的星王朝旗下藝人,何浩文曾被指喪黐太子女王子涵,更獲老闆王晶帶挈一直有工開,


何浩文初出道憑「鴨王」彈起 與糖妹拍拖被狠飛
何浩文最初被公司發掘,與袁駿傑、楊尚斌和喇英於2008年組成男子跳唱組合Bro5,後來發展共不算順利,直到2012年參演《喜愛夜蒲2》時人氣急升,之後更被王晶發掘擔正做《鴨王》男主角,從此網民稱他為「鴨王」。當年初出道的何浩文與初出道的糖妹高調拍拖,不過何浩文被指經常黐高人氣的糖妹,為增加曝光率而將女友掛在唇邊,2013年更以糖妹洋名Kandy命名自家寫真書為《Kandy Krush》,抽水抽到出晒面,結果糖妹斬纜狠飛。
TVB《一舞傾城》劇情背景與那一套劇相似?
有觀眾表示,劇集出發點如果係仿效《華燈初上》,難免貨比貨,而新劇《一舞傾城》的風格與無綫1990年代的一部經典劇集極為相似,有觀眾提出不如改劇名⋯⋯按此看劇情介紹
TVB《一舞傾城》中陳法蓉飾演什麼角色?
《一舞傾城》以八十年代尖東舞廳做背景,預告片中陳法蓉將率領一班無綫女藝人集體下海⋯⋯按此看劇情介紹