黃澤鋒冧爆晒5歲女學生相 表情多多6秒10個pose勁到model咁！

黃澤鋒冧爆晒黃熙恩鬼馬校服照

黃澤鋒日前在社交平台上分享黃熙恩的校服照，並配文：「#升k3不再bb #為自己留個紀念 #開心快樂每一天」。而黃澤鋒更將照片組成短片，片中黃熙恩表情多多，仲連環擺出10個pose，以及多種唔同表情，獲網民大讚：「越大越靚女同好可愛」「咁識擺pose好似小model啊」「唔係BB都係咁可愛」「套校服小黃妃著的好好睇喎」

黃熙恩讀區內學券制幼稚園

黃熙恩現時就讀於順德聯誼總會屯門梁李秀娛幼稚園，屬學券制的幼稚園，在屯門區內係相當熱門的學校十分受家長歡迎。而黃熙恩就讀的學校更屬於傳統幼稚園，對於黃澤鋒夫婦認為小黃妃的性格比較放縱，傳統幼稚園的管束亦相對可以「治到」小黃妃的此項問題。

不一樣的爸媽 黃澤鋒老婆52歲「超高齡產婦」竟被嘲 4歲女20字霸氣反擊

ViuTV節目《不一樣的爸媽》集集都會請來不同的家庭，並會大談為人父母的困難同挑戰。日前（3日）播出的一集就邀請咗前TVB藝人黃澤鋒一家做嘉賓，黃澤鋒除咗分享太太陳麗麗在52歲時，以「超高齡產婦」的狀態為自己誕下女兒黃熙恩（小黃妃）的辛酸外，仲透露埋成為高齡父母的感受。而當節目主持李敏（Ranya）問會否有人嘲笑媽媽老時，4歲的黃熙恩就以20字霸氣回應……

不一樣的爸媽｜黃澤鋒陳麗麗懶理網民意見

黃澤鋒在節目中分享與太太陳麗麗是透過Facebook相識，後來亦因為有共同的興趣愛好變得親近，最後於2010年拉埋天窗。黃澤鋒與陳麗麗婚後十分心急「造人」，皆因2人年紀都有返咁上下，可惜努力足9年都係失望收場。正當2人準備放棄之時，新生命竟驚喜降臨，不過當時亦飽受外界的議論。黃澤鋒對此就表示唔會在意：「人哋講咩我控制唔到，我只係控制到自己點諗嘢」、「當我太太有個小朋友嘅時候，太太嘅心理應該點控制，我乜都做唔到，我又唔可以陀仔，佢嘅辛苦我又唔知」唯有在心理上支持陳麗麗。

不一樣的爸媽｜陳麗麗湊女鬥智鬥力

雖然黃熙恩今年只得4歲，但係就非常「老積」兼聰明！黃澤鋒透露自己的母親2年前去世，當他偷偷走入廚房喊時，小黃妃更主動安慰自己：「爹爹唔好喊啦，唔好傷心，嫲嫲走咗」，令黃澤鋒大感恩惠。而陳麗麗亦表示照顧小黃妃需要鬥智鬥力：「我要全職湊佢，因為心智上你要好聰明咁同佢傾偈。」作為媽媽的陳麗麗仲話千萬不可以敷衍小朋友，否則將來辛苦的就會係自己。

不一樣的爸媽｜黃熙恩20字霸氣護母

節目的尾段安排了黃澤鋒夫婦去觀星，而黃熙恩則由主持李敏代為照顧。當李敏問黃熙恩獨爸爸媽媽誰比較惡時，黃熙恩就超「老積」戙高腳表示：「爹爹最惡嗰個，媽媽冇咁惡」仲大爆自己只聽爸爸話唔聽媽媽話！而李敏亦問黃熙恩係唔係有同學笑媽媽老時，黃熙恩則直接承認並稱：「媽媽就喺到唔開心，之後我就同佢講，次次都係咁㗎啦，我都唔知佢叫咩名㗎，下次一見到咪即刻鬧佢囉」

而黃熙恩的反應亦獲網民大讚：「妃妃好得意，好懂事，一句『媽媽都唔老，幾靚女』，我聽到都窩心」、「超可愛，老積得嚟又唔係乞人憎嗰種」、「妃妃好可愛，說話又有文有路，講嘢老積，動作麻甩，但又唔覺得佢冇禮貌，好攪笑！」