馬國明還原湯洛雯行名店黑面真相　冧爆親認去法國影婚照：佢真係好靚！

靚湯發布與馬明遊法甜蜜影片：感激馬先生每日駕車

靚湯早前被網民捕捉到與馬明遊法國期間黑面，今天（15日）在IG貼出「甜到漏」的影片，力證情不變。靚湯以英文寫道這次法國之旅是中部及北部自駕遊，暢遊了多個地方，包括雷恩（Rennes）、聖馬洛（Saint-Malo）、聖米歇爾山（Mont Saint-Michel）、翁弗勒爾（Honfleur）、埃特勒塔（Etretat）及魯昂（Rouen），「Our first europe trip together after 3 years of talking! We finally made it!! Thanks to mr ma for driving everyday and bringing me to see different amazing sceneries and architectures , feeling so spoiled（我倆說了三年的首個歐洲之旅，我們終於實現了！感激馬先生每日駕車，帶我去看不同的美麗風紀和建築，感覺被寵壞了）.」

馬明化身攝影師捕捉靚湯最美一面

片中所見，馬明化身靚湯御用攝影師，為拍未婚妻最美一面，而「男友視角」中的湯洛雯全程笑容滿面，絲毫沒有黑面以及不耐煩的樣子。但係靚湯影馬明就影到條頸一節節，攝影技術需要有待改善。

另外兩人在法國歎盡當地美食，其中在餐廳同框用膳的影片被兩倍速播放，經調慢速度後發現，原來靚湯一度主動餵馬明食薯條，冧爆的馬國明隨即滿足地瞇眼嘟嘴，網民睇完都寫道「好Sweet」、「被閃爆了」等留言。最後，湯洛雯預告稍後再分享第二站巴黎影片，未知屆時會否公開婚照呢？

馬國明否認靚湯黑面

馬明回港後接受訪問，強調影片中的靚湯完全冇嬲更親身還原當日行名店實況：「佢估唔到去到法國搵到一啲，香港排隊都唔會有嘅嘢，喺法國又畀佢排到，仲即刻買到，但係法國人節奏真係好慢，佢哋做嘢好Relax、好悠閒，所以好多時都要等，但我哋香港人生活節奏好快，就成日諗『得未呀？』、『咁耐嘅？』，其實（嗰陣）我哋心諗仲要等幾耐㗎，大家睇畫面以為好嬲，其實好開心。」

親口承認影婚紗相

他還承認2人去法國其實是影婚紗照，更大讚準馬太：「佢係好靚！我哋法國影咗6、7套衫，全部都好靚，佢依家係頭痛點揀啲相，我就覺得一來佢又fit咗，二來佢揀啲衫又好襯巴黎個環境，所以佢真係好靚。」至於何時會向外界公開婚紗相，馬明指要先等靚湯批准，揀好相才正式的外公布！

靚湯法國行名店疑黑面兼嬲嬲豬

有網民在法國老佛爺百貨（Galeries Lafayette）見到靚湯和馬明一起行街掃貨，但發現2人之間氣氛尷尬，從影片中可以看到，身穿短裙和大褸的湯洛雯和打扮則相對隨意的馬明，一同站在名店的櫃台前等待，不過未知是不是等待時間太長，抑或揀不到心頭好的關係，靚湯臉上明顯露出不悅表情，似乎相當不耐煩，等了一會更扁咀轉身離開，而且亦沒有理會過馬明。

網民大讚馬明24孝男朋友

馬明則一手拿着白色購物袋，一邊目光不敢離開未婚妻，當靚湯轉身離開時，他的目光也緊緊隨着她，一副頭耷耷無辜的樣子。不少網民都表示，雖然馬明大過靚湯13年，但卻一副被對方食住的樣子，睇落很好欺負：「看着好好欺負的樣子」、「馬明好隨和，24孝男朋友」、「她是生氣了嗎？怎麼臭臉了？」、「應該是店員讓他們等候太久，表情有點不耐煩了」、「老婆感覺很強勢！」、「馬明一副被吸乾了陽氣的樣子」等等。

馬國明開腔否認婚禮延期傳聞

馬國明原本打算於年底與女友湯洛雯（靚湯）結婚，靚湯近日為婚事四圍頻撲，積極瘦身準備做靚靚新娘。有傳馬國明本身打算拍完新劇《新聞女王》就專心陪靚湯搞婚禮事宜，不過有傳今次突然被TVB安排去拍新劇《飛常日誌》，搞到二人陣腳大亂，婚期有機會因此而再度延期。馬國明在接受傳媒訪問時否認傳聞，指幸好得到公司的體諒，二人婚期未有受拍攝日程影響，二人婚禮會按照原先安排進行。

湯洛雯下封口令禁提婚禮細節

馬國明指未婚妻湯洛雯（靚湯）近日頻頻為婚禮作準備，自己都有盡力幫靚湯做決定。一向對婚禮細節守口如瓶的馬國明，今日突然漏口風指將到外地拍攝婚紗相。馬國明又大爆被靚湯「訓話」：「要等阿湯批准我先講得，因為佢想保持神秘感，我唔可以再講多啲，你哋直接打畀阿湯。」

湯洛雯甜蜜36歲洩婚期

剛過了36歲生日的湯洛雯，今年生日特別有意義，日前她公開捧住最愛的獨角獸生日蛋糕的照片，笑得好開心，留言寫道：「Thanks for all the surprises and beautiful cakes❤️ #lastbirthdayasamiss」 (意指作為小姐稱謂的最後一個生日)，湯洛雯一個Hashtag令婚期曝光，再次親自證實一年內將嫁馬明做馬太，網民紛紛送上祝福。

準馬太為未來老爺慶生

其實湯洛雯近月已多次按捺不住放閃，早前她在社交網上載靚相，指自己終於放假一天，由馬國明帶他外出吃足一天，不過重點就是當日與馬國明爸爸去食私房菜慶祝生日，早已融入馬家的湯洛雯更把當日菜單曝光，上面寫住「馬爸爸生日快樂」，又拍片影住餐廳環境及食材，網民即大讚馬明是孝順仔，笑指湯洛雯是「好新抱」！

馬國明向湯洛雯求婚成功獨角獸公仔曬巨型鑽戒

馬國明一直被稱娛圈「絕世荀盤」，自從與湯洛雯宣布拍拖後，一直傳出婚訊，但是每次公開活動也否認。二人拍拖兩年，今天（1日）馬國明終於向湯洛雯求婚成功，他們分別在IG貼上同一張照片，相中是一隻獨角獸和小馬緊緊貼在一起，十分甜蜜。而獨角獸的角上有一隻巨型鑽戒，十分搶眼，湯洛雯寫道：「2023，1.1，13:14」，更與13:14分同時發帖，寓意一生一世，非常浪漫。不少圈中好友也留言祝賀，終於看見二人拉埋天窗，一小時內已有逾4萬人送上祝福。

馬國明計劃去歐洲旅行結婚

馬國明三年前因「安心事件」與黃心穎分手，不過焉知非福，之後出現的湯洛雯令他對愛情重拾信心，二人一拍即合。48歲馬國明與35歲湯洛雯拍拖兩年幾很怏便見家長，及發展至半同居關係，更屢傳婚訊，早前二人去完日本預支蜜月，返港後關係明顯更升溫，繼湯洛雯漏口風透露有結婚計劃後，馬國明終於肯認已落實結婚大計，坦言與湯洛雯有共識明年旅行結婚，他表示湯洛雯喜歡歐洲，所以他們會考慮飛去二人曾經讀書及成長的地方，即是加拿大或英國，現時計劃旅行結婚，未決定會否擺酒。

馬國明講婚訊彈出彈入遭鬧爆

但過幾日馬國明又澄清指其實當日他只話有個諗法係想出年結婚，而且係會想選擇旅行結婚，但馬國明表示唔明一個想法，記者就寫成宣布出年結婚。他表示不會揀台慶或大型騷宣布結婚，不過如果係適當時候，他才會向外宣布結婚。他指報道出街後，好多人傳訊息恭喜他。

馬國明曾表示求婚要浪漫一點

馬國明談到是否一個浪漫的人，會向對方進行求婚？他表示自己不浪漫，但他想像女仔都想要一個似樣的求婚儀式，他表示都會做。如果要揀求婚過程要一大班人還是個人？他傾向個人，可以再浪漫一點。今日公佈喜訊後，一眾圈中好友紛紛留言祝賀！