素海霖曾以賣性感相維生 香港女優中學玉照曝光 黑歷史被揭！

網民爆素海霖中學往事

有網民開了帖文，大爆素海霖舊史，謂：「繪麗奈中文名（素海霖）係我中學同學，中學我哋一齊讀佛教馬xx紀念英文中學，我哋係同一班，不過果時佢比較靜，唔係班入面突出果批，中學之後就斷晒同我哋班嘅聯絡。」網民續指素海霖文靜：「以前唔多講野，係班上面好靜，同學嚟講OK，起碼唔係以前啲壞學生，不過就身材好就真嘅，以前着冷衫已經比同班女仔大。」

網民爆料素海霖疑曾賣相做過倫敦金

素海霖Erena，現時藝名「繪麗奈」於日本成人愛情動作片界正式出道，成為全城熱討話題。人紅是非多，即於討論區中被爆出曾於網站賣過唔少性感相同大搞會員制等。仲有網民爆料話素海霖疑曾做過倫敦金，呃過人錢，經常以不同手法搏出位如扮流出片等，本人未有回應未知真定假。不過普遍網民都偏支持的態度，認為素海霖勇氣可嘉，又指follow開佢認為素海霖平時講嘢敢言又幽默「條女之前ig post講啲嘢都幾好笑，作埋啲咸濕金句」。

素海霖曾上《戀講嘢》自稱「暗黑港版王淨」

Erena素海霖自稱「暗黑港版王淨」 今年25歲的Erena素海霖去年曾參演電影《#PTGF出租女友》，早前又曾上ViuTV節目《晚吹：戀講嘢》做嘉賓，自稱「暗黑港版王淨」（王淨為台灣演員曾憑電影《返校》獲台北電影獎最佳女主角），其言論非常大膽，她透露在蘭桂芳結識到當時的男友，未開始拍拖前，對方已約她去夜總會唱K，並找了女陪酒，令她委屈離開，但過後她仍因對方厚面皮的追求，而接受了和男方拍拖。

素海霖Erena自爆同男友各自出軌自嘲係M底

Erena又自爆曾發現男友偷食，為報復對方自己亦出軌，一年出軌四至六次，更指出軌是人之常情，不過男友由始到終都沒有發現她有任何異樣，最後她還向男友自爆罪證，展示與第三者的聊天記錄，男友為此嬲到向她動粗，她自嘲可能是M底，所以被人打都覺得冇咩嘢，但最後男友更揮刀傷到她要入院縫9針，甚至留下疤痕，至此Erena終於決定和對方分手。 雖然被前男友傷到要留疤，但Erena仍表示不介意未來男友出軌，她直言：「出軌唔係最大的問題，佢要表達得好啲囉，例如我搵佢時候，佢要被我搵到，就算偷食都要聽電話，覆訊息都得，但係要Keep住覆。」

素海霖Erena被浩南狂鬧：多嚿魚！

主持們在節目中紛紛批評Erena一開始就不應該接受男友偷食，浩南更激動鬧她「多嚿魚」：「其實你唔會接受佢偷食同解釋得好唔好，因為佢解釋完，但係解釋件事唔係你咁諗嘅話，你會覺得唔完美，不如就一開始唔會接受佢偷食！」Erena就解釋自己是不婚主義者，沒想過要和對方一生一世。

素海霖自認淫賤 兩年前已經開口埋口提AV

DJ艾力在2年前已經訪問過素海霖，兩人更一起到市集行街。當時兩人路過一家賣日本傳統衣服的店鋪，DJ艾力一見到和服就話非常適合素海霖，素海霖亦表示：「係啊，好淫賤，仲要拿住把扇，露出一邊肩膀」，想象力非常豐富。之後素海霖開口埋口都提AV，一見到日本風嘅衫就提AV：「呢件就冇頭先嗰件咁淫賤，任何有關日本嘅嘢，香港男仔女仔聯想到AV都係好正常。」之後仲話啲衫有少婦、人妻嘅味道，被DJ艾力取笑素海霖「滿腦子都撞滿AV畫面」。

自爆討厭鬼佬 幾年前已經學定日文

素海霖在訪問中亦坦言自己討厭外國男人：「首先我唔鐘意鬼佬，之前我上網睇過一條片，啲鬼佬覺得亞洲女仔好容易上床，我覺得佢地毫無尊重香港女仔，所以我唔崇洋。」之後又自爆已經學緊日文，仲話希望之後可以遇到日本男生，睇嚟素海霖2年前已經為拍AV而鋪路！

相關文章：素海霖Erena自認淫賤談約砲 早已為拍AV鋪路 主張不婚唔請菲傭有原因？