陳輝陽爆錄音內幕 揞名指「女歌手」惡行惹網友競猜
廣告
講起香港樂壇,陳輝陽是一位具有殿堂級地位的音樂人,為樂壇創作了許多經典名曲。他合作過的男女歌手個個都具備出色的實力,包括無數天王天后等,最近他接受了YouTube節目《24/7TALK》的訪問,在節目中分享了一些有趣錄音故事,仲唔開名大爆一位女歌手的行為,直言唔想再合作,讓網友紛紛猜測呢位係邊個?
陳輝陽唔想同「呢位女歌手」再合作
陳輝陽在分享時並沒有公開該女歌手的名字,但通過他的描述可以猜測出一些線索。他提到:
「唱片公司開頭叫我幫佢Produce歌嘅時候,我話都ok嘅,對方話佢唔係好唱得㗎咋喎,我話我知㗎喇,我盡能力啦。佢一入嚟錄音室第一句說話,X,喺香港度錄廣東歌都冇X用嘅,我去咗台灣呀,我就唔會再返嚟錄廣東歌,呢個係第一句說話。」
女歌手亂作歌詞 戙起隻腳食飯
到之後陳輝陽叫呢位女歌手先坐低,自己去準備,錄音時對方的行為將他嚇窒,竟然會亂作歌詞:
「佢又好得意,唔睇歌詞,佢鍾意作啲字落去,我話唔啱喎,意思都唔啱。有時錄到咁上下我會叫佢停下先,不如聽下你唱成點,佢話唔停,我要繼續唱,OK!唱到中午,錄音室同事要放飯,佢話我唔食,我要繼續唱,我話咁唔緊要,我叫Engineer食飯、我幫你撳,撳到咁上下,Engineer食完飯,佢又話哎呀,我肚餓呀,食嘢先喇,幫佢叫嘢食。」
而食飯時的習慣亦相當粗魯,他表示:
「佢真係犀利,我好少喺香港見到女仔,唔好講係咪Singer先,我好少見到香港女仔戙起隻腳食飯。呢個真係好神奇!」
網友靠三大線索估係佢!
除咗「唔唱得」,陳輝陽還指對方現時在內地都幾紅,另一個線索是這女歌手曾往台灣發展的。網民紛紛綜合以上資料,估邊位最有可疑,如被稱爲巨肺天后嘅鄧紫棋、楊千嬅、梁詠琪、薛凱琪,不過,較多人認為最大嫌疑是張栢芝。張柏芝與陳輝陽曾合作過一些作品,其中包括《不相愛的好處》和翻唱他作曲、傅珮嘉原唱的《絕》。
![陳輝陽 女歌手](https://imgs.orientalsunday.hk/wp-content/uploads/2024/02/11_22135798465cedc59cf22a.jpg)
即睇片:
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!
圖片來源:YouTube@24HERBS、抖音@張柏芝、大會提供、ig@gem0816 資料或影片來源:原文刊於東方新地