陳凱琳貼一家五口全家福反擊林作 出100萬驗DNA被嫌太少有金主科水

陳凱琳：我們全家充滿愛

陳凱琳在社交網post出和父母及家姐、細佬一起拍攝的全家福影片，同時又用英文表示：「如果不是因為我們美麗、美妙、耐心、堅韌、善良、傻氣、有趣、搞笑、支持和絕對充滿愛的家庭，我們不會成為今天的我們！父母對我們來說意味著世界，謝謝你們為我們的生日帶來快樂。」力證一家人的心情都無受林作影響。

鄭嘉穎：唔回應就係最好嘅回應

鄭嘉穎在出席活動受訪時，亦有代老婆發言，指林作今次掀起的「抽水」風波，絕對無破壞他們一家人的心情，他表示指陳凱琳細佬及家人心情都好正常，而嘉穎亦認為大家很清楚林作有何目的，不回應就是最好的回應，總之事件對他們一家人並沒有影響。

林作指獲母親資助500萬

另一方面林作就轉載了一個疑似陳凱琳家姐Joyce發出的帖文，內容話：「林作先生，100萬會唔會少咗啲？」，林作加以「解讀」指：「佢嘅意思係願意做test，但價格出手太低！…本人馬上聯絡身在深圳嘅林母，睇吓佢可否返嚟幫拖。」其後林作上載了自己與林母的對話，又貼出林母的相片，指林母對他想借500萬來驗證Derek血統問題的要求，表示：「OK！」

林作拒認種族歧視

之後林作又發長文表示自己反對種族歧視，同時不認同混血比純種低賤，他說：「一方說我破壞人家家庭，多管閒事製造話題。話題不是我製造的，是媒體和網民製造的，我只是加把口，但我是大家裡面最敢言、最有知名度的而已。另一方面的人，一直在暗示明示陳爸爸被戴綠帽。我完全不認同這樣的取笑，本人也從未如此指控。…我XX就僅僅是說這不可能是兩父子而已，因為一個是100%南方華人，另一個，在我看來，是99%印裔。…批評我不要緊，但搞清楚我在說甚麼，不要誤解我。」

林作挑機陳凱琳細佬Derek 以100萬要求驗父子DNA：盲嘅都睇得出

陳凱琳的龍鳳胎細佬Derek日前趁著父親節，在社交網分享了一張與爸爸的合照，相中陳父坐在兒子大腿上，更含著手指公扮BB，Derek亦搞笑地寫上：「父親節快樂！你長大了很多，為你驕傲！」大玩父子調轉身份。但因為他擁有像混血兒般的外貌，膚色也比起爸爸深色得多，令他兩父子的血緣關係再度成為網友焦點，連林作都趁機出post抽水。

林作豪言畀100萬驗DNA：順便比照係咪有印巴血統

一向愛抽水的林作，在社交網轉發了相關的報道，表示：「本人願意用100萬港幣向Derek Chan not Cheung 發出挑戰：畀你一條毛畀我。同埋你老豆一條毛。如果DNA比照證實你地係父子，我畀100萬你。如果唔係，順便比照係咪有印巴血統。順便咋，純八卦，驗到冇嘅我都畀100萬你。冇他，純粹之前嗰個Derek畀咗我一百萬零用錢冇埞使。同埋真心好奇及堅信不移。Derek，你願意接受挑戰嗎？」

林作回應網民批評：老老實實，想唔想知先？

有不少網友批評林作今次的言論玩得太過火，紛紛指摘他不應干預別人的家事等，對此林作回應：「唔好再喺度話我多管閒事，我淨係問你兩句：第一，佢哋係咪公眾人物，係，就有公眾利益，也必須承受被人指指點點，我都係市民一個。第二，老老實實，想唔想知先？」

林作解釋挑機原因：實在忍了太多年

之後林作接受傳媒訪問，被問到是否未使完鍾培生給的100萬？他表示100萬求其在他床下底搵出來都有。而講到為何突然向Derek發出挑戰，他就回答自己實在忍了太多年。他說這是一種公義，因為盲的都睇得出（他們是否有血緣關係），但這麼多年來卻無人肯企出來講，所以需要敢言的林作站出來。

陳媽媽曾剖白子女被指似印度人之謎

其實陳凱琳母親劉惠嫺Connie曾經接受港台節目《舊日的足跡》訪問，罕有開腔為子女的混血外表解畫。Connie表示Grace與Derek出世時與長女Joyce同樣白淨，不過後來兩姐弟去到14至15歲突然變得眼大臉尖，而細佬Derek更生多了鬚根。Connie又透露自己母親擁南亞血統：「可能我媽媽係馬來西亞人，擁有亞裔嘅容貌，細佬又喜歡戶外活動，又或者加拿大嘅食物有好多荷爾蒙啦」。所以 Grace和細佬Derek都有著混血的外表。

早前陳凱琳孖生細佬Derek報喜，升呢人夫，陳凱琳升呢姑奶當然開心，同時亦令全家高顏值都齊齊曝光，原來陳凱琳仲有個家姐，不過大家姐同陳凱琳及孖生細佬好唔似樣，細佬樣子更被指似印度人。

其實早在Grace當選港姐時已被誤會是混血兒，不過父母都中國人臉孔，曾引起一陣話題。當年陳凱琳曾回應傳媒說： 「我係爸爸媽媽親生，細佬同我一樣，由細到大都鬼鬼哋⋯」