毒舌大狀｜阿Dee何啟華遇無綫採訪被針對勁躁底《東張+》處理手法極小氣！

Q: 《毒舌大狀》影評如何？票房將於何時破紀錄？

《毒舌大狀》票房每日更新（ 按此看全文 ）！以往香港賀歲檔期，幾乎都係大堆頭喜劇，容易忽視劇情意義，今次《毒舌大狀》就充滿談論話題 ，有影評點出當中 7大必睇細節伏線 ⋯⋯ 按此看全文

Jan 6 2023

新年到，無綫應該燒咗本超厚「小氣簿」，因為近月有很多對台藝人陸續亮相無綫，最近連ERROR成員阿Dee何啟華亦獲放寬，日前他出席電影宣傳，TVB派出兩隊攝製隊到場採訪，分別在《TVB娛樂新聞台》及《東張+》播出，後者刻意裁走何啟華的片段，前者則選擇咁樣處理！

何啟華阿Dee 阿Dee與子華神一齊拍賀歲片《毒舌大狀》。 — 阿Dee與子華神一齊拍賀歲片《毒舌大狀》。（圖片來源：IG@deegor_hkwa）

毒舌大狀｜阿Dee傍住子華神做宣傳

日前由黃子華領軍的電影《毒舌大狀》舉行大型宣傳活動，身為演員之一阿Dee何啟華被子華神欽點「貼身」一齊做宣傳。無綫和子華神關係極度友好，所以當日派出兩隊攝製隊到場採訪，分別在《TVB娛樂新聞台》和《東張+》播出。新一年燒咗「小氣簿」後，《TVB娛樂新聞台》亦開始見到ViuTV 旗下藝人亮相，以為ViuTV一哥阿Dee這次順利登上對家電視台的節目，點知同一個訪問卻有兩個版本。

何啟華這日阿Dee出席電影宣傳活動企在子華神身旁一齊接受圍訪，無綫亦有派人採訪，期間子華神更為阿Dee舉咪收音。 — 這日阿Dee出席電影宣傳活動企在子華神身旁一齊接受圍訪，無綫亦有派人採訪，期間子華神更為阿Dee舉咪收音。（圖片來源：YouTube@ViuTV截圖）

何啟華在ViuTV播出的片段中，有阿Dee接受訪問時的畫面，其表情與動作超級誇張。 — 在ViuTV播出的片段中，有阿Dee接受訪問時的畫面，其表情與動作超級誇張。（圖片來源：YouTube@ViuTV截圖）

何啟華 ViuTV一哥阿Dee突然躁底，以咪牌舉高過頭來洩憤。 — ViuTV一哥阿Dee被安排企側邊，舉咪牌時又左右為難，難怪他突然躁底。（圖片來源：YouTube@ViuTV截圖）

毒舌大狀｜Dee哥3秒躁底怒舉咪牌

阿Dee雖然是子華神身邊紅人，但在整個訪問環節中，阿Dee已刻意被安排企側邊，但他又要幫手拎咪牌，一時話佢個咪牌太低見唔到，又被記者要求他將咪牌遞近謝君豪，實在左右做人難。作為主要角色，戲份多過柏天男，阿Dee受訪時卻慘變工作人員，難怪平時四萬咁口嘅阿Dee，都即時閃過躁底3面黑面樣，最後還索性舉高咪牌扮收音師。到最後訪問出街，無綫的《TVB娛樂新聞台》只出大合照畫面而冇播阿Dee圍訪訪問，而《東張+》則貫徹「宗旨」Cut得就Cut，完全裁走阿Dee的畫面，所以想睇原汁原味訪問，就只能返回ViuTV 的官方社交網。

何啟華無綫十分畀面子華神，派人採訪其新片的宣傳活動，在《TVB娛樂新聞台》播出的片段中可見，圍訪時有阿Dee的畫面都照出，不過就冇播佢受訪時的片段。 — 無綫十分畀面子華神，派人採訪其新片的宣傳活動，在《TVB娛樂新聞台》播出的片段中可見，圍訪時有阿Dee的畫面都照出，不過就冇播佢受訪時的片段。（圖片來源：YouTube@ TVB娛樂新聞台截圖）

何啟華阿Dee 無綫玩彈弓手，在「東張+」播出的片段，因為大合照栽唔走阿Dee，焗住播出。 — 無綫玩彈弓手，在《東張+》播出的片段，因為大合照裁唔走阿Dee，焗住播出。（圖片來源：YouTube@東張+截圖）

何啟華《東張+》全部訪問片段都裁走阿Dee，明明他企正子華神身旁，都夾硬「被消失」。 — 《東張+》全部訪問片段都裁走阿Dee，明明他企正子華神身旁，都夾硬「被消失」。（圖片來源：YouTube@東張+截圖）

毒舌大狀｜《東張+》cut走阿Dee版

《TVB娛樂新聞台》阿Dee有樣冇訪問版

ViuTV足本訪問

無綫近月開始解封播MIRROR COLLAR

無綫貴為大台，開台幾十年以來只要非是對台藝人都全無機會亮相，就連娛樂新聞都決不報道。但近年ViuTV 走勢凌厲，栽培出來的新人全部都人氣超然，橫掃歌影視三範，方丈只能跪低，續早前轉播電影《過時·過節》宣傳片，令Mirror 成員呂爵安（Edan）初次現身無綫，再有去年商台籃球比賽報道Mirror 成員盧瀚霆（Anson Lo）喊；連早前吒咤頒獎禮，就算「親生女」姚焯菲同Yumi呆坐成晚，無綫都有報道Collar 成員SoChing復出，不過今次阿Dee就唔知點解畀人cut走，唔通真係明針對ERROR成員？