關嘉敏影處女寫真玩奶水晒事業線望挑戰底線

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Dec 28 2021

關嘉敏憑參加ViuTV《全民造星3》彈起，不過最後簽約邵氏被網民指倒戈相向，關嘉敏曾哭訴「呼吸都畀人鬧」，早前她在《野外步出2》中重提5年前瞞住家人簽約入行，組成跳唱組合「Bingo」，更被奶仔方紹聰問到喊，自覺發展未如理想，愧對家人，現時重新振作的關嘉敏，接job密密做，近期更拍下兩輯寫真，希望作多方面嘗試。

撰文：東方新地｜圖片：關嘉敏授權照片、[email protected]、無綫《野外步出2》影片截圖

關嘉敏影寫真望挑戰性感底線

27歲關嘉敏，近日拍了兩輯寫真，分別是床照和浸奶浴照，她話好希望推出寫真集留念，因為年紀再大點便很難拍出青春感，雖然今次已狂晒4吋事業線，但她希望下次再挑戰自己的性感底線，同更多元素；是次為全女班團隊拍攝，但她稱平時甚少影性感相，所以亦感到尷尬，影浸牛奶浴照怕醜又怕走光所以要打底，拍攝時間長為免牛奶變冷，要不停加熱水，且每次轉身都好容易跣親，試過坐唔穩成個頭浸落奶水差點嗆到，今次關嘉敏亦特別為影寫真而keep弗，以免後期太多增加工作人員工作量，好識諗喎！

望做打女參演女版《拳王》

愛跳舞又以打拳keep住靚身段的關嘉敏，接受傳媒訪問時透露自己有留意剛播畢的無綫劇《拳王》，更揚言好恨拍打女戲，希望如果開拍女版《拳王》會有份參與，其拳擊師傅冼灝英為此劇顧問，劇集播出前，冼師傅亦有跟她傾訴拍此劇的經歷，其中三位男主角黎耀祥、張振朗和黃子恆要顧文戲又要顧打戲兼保持身形，實在艱辛，所以好希望跟幾位前輩合作。初出道的關嘉敏2016年曾參演ViuTV真人騷節目《脫獨工程》，做其中一位參賽者的替身，因被指貌似周秀娜，而開始獲得觀眾關注。2019年她又先後演出了ViuTV劇集《黑市》中「碟仙」和「過夜」兩個單元故事，但兩個故事最後都要扮死人，加入無綫後曾客串《法證先鋒IV》，關嘉敏和她的Bingo隊友陳康琪（Odi）一同演出婚紗模特兒的角色。

憑ViuTV《全民造星3》彈起卡文關嘉敏倒戈TVB被網民鬧爆齊嗌Unfollow — 在ViuTV劇集《黑市-碟仙》中，關嘉敏扮演一名玩碟仙慘死的學生妹，她直言這是她第一次拍攝驚悚劇。（圖片來源：劇集影片截圖）

《野外步出2》重提往事感觸落淚

早前播出的《野外步出2》的第二集，主持奶仔方紹聰帶住關嘉敏去大嶼山行石澗，入行5年的她，當初與其餘4個女仔組成跳唱組合「Bingo」，原來是瞞住家人簽約，她說：「其實當年我係任性地簽約，先斬後奏，媽咪知道後問『有冇搞錯？你都未經我同意！』鬧咗我好耐。我當時就好有信心，話條路係自己揀，承諾唔會令佢失望。但係，過咗5年依然令佢失望，知道自己搵得唔多，我好驚收糧單，令屋企人擔心。」

有一個糧單得8毫子，仲要畀阿媽見到，關嘉敏覺得好難過。（圖片來源：無綫《野外步出2》影片截圖） — 有一個月糧單得8毫子，仲要畀阿媽見到，關嘉敏覺得好難過。（圖片來源：無綫《野外步出2》影片截圖）

揭開糧單得8毫子

因為16年入行時是跳舞組合，關嘉敏表示每個月除去抽佣、交通費與化妝整頭費，收入要分5份，根本所剩無幾。提起搵錢的辛酸，關嘉敏淚如雨下：「收入少嘅程度，係試過打開張糧單收8毫子，仲要畀阿媽見到，我當場笑住話有冇搞錯呀！得8毫子都有嘅！阿媽問我夠唔夠錢用，話過啲錢畀我，我就硬撐、死頂！佢愈擔心我覺得愈對佢唔住，我都想做出成績但做唔到，依然令佢失望。」

「BINGO」於16年成立，成員出出入入，由最初的5人變成現在只有關嘉敏（Carman）及陳善渝（Odilia）兩位成員，最左的子涓已離隊，現正參加《造星4》。（圖片來源：IG@carcar.carman） — 「BINGO」於16年成立，成員出出入入，由最初的5人變成現在只有關嘉敏（Carman）及陳善渝（Odilia）兩位成員，最左的子涓已離隊，現正參加《造星4》。（圖片來源：[email protected]）

關嘉敏鉍奶仔曾一起參加《盛舞者》，二人私底下非常老友。（圖片來源：IG@carcar.carman） — 關嘉敏同奶仔曾一起參加《盛舞者》，二人私底下非常老友。（圖片來源：[email protected]）

《野外步2》關嘉敏哭訴愧對家人

簽邵氏係經理人公司決定

關嘉敏早前出席活動時，回應被網民指倒戈一事，她強調ViuTV並沒有要與她簽約，而其經理人公司希望她向演員方向發展，並指「呢樣嘢唔係我可以話事﹗」及後表示尊重公司的決定﹗

關嘉敏爆簽邵氏真相被網民責倒戈感不快：抺殺咗我嘅努力 — 關嘉敏簽約邵氏，以「一日做幾百樣嘢」來形容工作量﹗（圖片來源：[email protected]）

關嘉敏：我去第二個台就話我差﹗

關嘉敏對負評坦言感到好唔開心：「我參加《造星3》時會支持我，但到去第二個台就話我差，咁好似抺殺咗我嘅努力，我係演藝行業嘅人，咁樣分開唔係咁好﹗」關嘉敏又爆緋聞男友CY（陳澤言）雖然有為ViuTV拍節目，但並未有獲ViuTV簽約旗下，CY現正物色經理人。關嘉敏將參與無綫一個拳擊真人騷，被問到可有擔心節目會被指抄襲ViuTV《G-1格鬥會》？關嘉敏話：「依家我嘅處境係做任何事都被人話，所以都係嗰句，做好自己，唔令支持我嘅人失望﹗」