鍾嘉欣撇甩老公一拖三返港 被傳係「雙面人」首度開腔用9個字回應
鍾嘉欣 撇甩老公一拖三返港
鍾嘉欣(Linda)去年10月誕下第三胎細女Anika,相隔半年她已成功收身,近日更撇下老公Jeremy,帶同三名仔女由加拿大飛返香港,接拍美容廣告,並參加了好姊妹楊茜堯(前名楊怡)女兒小珍珠的3歲生日party。
![鍾嘉欣 plt5 鍾嘉欣 鍾嘉欣剛返到香港就趕去參加小珍珠嘅生日派對,她笑指女兒Kelly亦有在派對上周圍同人social。](https://imgs.orientalsunday.hk/wp-content/uploads/2023/04/igchungkayanlinda-2_1403137976440c62bec1f7.jpg)
盼小朋友學好廣東話
Linda笑言曾經都試過單拖帶齊小朋友去街甚至行山,所以一湊三搭飛機都好輕鬆!Linda透露今次與父母同行,將會留港3個多星期,仲話搵咗中文老師,希望小朋友趁住在港的時間,可以學好廣東話,又笑指幾個仔女依家已經學識講「我好鍾意食呢個」、「多謝」、「唔該」等簡單廣東話。
![鍾嘉欣 plt5 鍾嘉欣 現年38歲的鍾嘉欣先後為老公Jeremy生下大女Kelly、二仔Jared及細女Anika,一家五口不時幸福放閃。](https://imgs.orientalsunday.hk/wp-content/uploads/2023/04/01_744289033642b9e08b9573-998x1024.jpg)
後生5年會生夠5個
已屆39歲的Linda又再強調「封肚」唔會再生,她表示如果自己後生5年,就可以生夠5個,但依家有3個,一個仔兩個女,已經太美滿,覺得好夠好感恩,無需要請工人,由她和老公兩個人湊,已經足夠:「依家我人生嘅目標係鍛煉好健康身體,希望陪伴佢哋嘅時間可以長啲。」
![鍾嘉欣 plt5 鍾嘉欣 鍾嘉欣話無請工人,平日3個仔女都係由佢同老公親自湊。](https://imgs.orientalsunday.hk/wp-content/uploads/2023/04/igchungkayanlinda-3_21290485606440c6f75c75d.jpg)
20周年演唱會只係「吹水」
Linda直言仍有戲癮,會自己喺屋企吟吟沉沉,或者趁揸車冇人見到時扮拍戲,只是她現在將家庭放在第一位,但她表示對任何工作都抱開放態度,不排除會再返TVB拍劇。而講到明年是她入行20周年,Linda竟然指早前登台時話會開演唱會慶祝,其實只是「吹水」,現時其實並無任何開騷計劃,可能要待21周年才有這個機會。
![鍾嘉欣 plt5 鍾嘉欣 網民都大讚鍾嘉欣唱Live保持到以前的水準。](https://imgs.orientalsunday.hk/wp-content/uploads/2023/04/11_1571627059642ba3d449264-932x1024.jpg)
被指係「假面人」 選擇繼續做好自己
而講到早前有網民出post指責Linda「黑面」、「人前人後兩個樣」等,她表示人生裡面個個都會遇到鍾意或唔鍾意自己的人,她只可以選擇繼續做好自己,而認識和愛錫她的人都會知道她是怎樣的人,所以她覺得無需要特別去回應,最後她以9個字總結:「沉默就係最好嘅回應!」
![鍾嘉欣 plt5 鍾嘉欣 Linda指認識和愛錫她的人都會知道她是怎樣的人。](https://imgs.orientalsunday.hk/wp-content/uploads/2023/04/03_5972313256440c86364361.jpg)
重溫鍾嘉欣拒合照惹熱議 被幕後及鄰居力斥人品差
鍾嘉欣身在加國大陀住第三胎,近日被網民在溫哥華時裝店捕獲,並把這經歷放上網,卻惹來不少網民留言力數鍾嘉欣人前人後兩個樣:「平時電視上nice是裝的!」事件繼續發酵,有自稱幕後以及街坊則衝出來爆大鑊,力證其為人堅衰格!
![鍾嘉欣 plt5 鍾嘉欣 有網民在加拿大偶遇大肚鍾嘉欣,求合照被拒。](https://imgs.sundaykiss.com/wp-content/uploads/2022/09/screen-shot-2022-09-30-at-5.12.52-pm_1804846016336b28c80de3.png)
鍾嘉欣見親街坊都黑面﹗?
鍾嘉欣結婚前,在港一直居於將軍澳某屋苑,之後返港拍劇《星空下的仁醫》仍居於上址,有不少街坊爆料指鍾嘉欣態度差,跟鏡頭前見到的「陰聲細氣、有禮貌、友善」完全相反,有網民留言力數「以前成日見到鍾小姐,因為無論你住邊座都要去平台轉𨋢先去到商場,每次見佢都係頭顎顎,望一望佢就即刻擰歪面,態度好唔友善,好無禮貌」,有另一網民和應「我住佢隔離,一齊喺平台返上樓,佢行喺我後面,猛咁喺後面摺摺聲怪我行得慢阻住佢」,有網民回應:「我都成日見到佢,望下佢就黑面歪埋嘴怒睥我」等。
![鍾嘉欣 plt5 鍾嘉欣 鍾嘉欣在直播當中透露自己將會在生完第三胎之後「封肚」](https://imgs.orientalsunday.hk/wp-content/uploads/2022/10/299204820_815577669786028_4182726799501191773_n_1318088914633e899a6256c-1024x1024.jpeg)
化妝師力斥為人好寸 茶水阿姐爆態度差
有自稱化妝師力證鍾嘉欣是人前人後兩個樣,「佢其實好寸,Nice只係睇對邊個,佢係真正嘅視后呀」,另一個化妝師指:「佢成日扮到乖乖女,唔係真實,當年見住佢姣林峯,到人哋追佢,又吊高嚟賣,根本想收兵,就知佢唔簡單唔係乖女」。又有自稱做茶水部爆料:「我接觸過不少阿姐阿哥、老前輩都唔會好似鍾嘉欣咁,佢對我哋呢啲低職位嘅人態度差,就出晒名,行內人都知,不過無諗過做咗人阿媽,都仲係咁樣」、「佢真係好假,一秒變面又超級無禮貌人品差」。
![鍾嘉欣 plt5 鍾嘉欣 懷第三胎的鍾嘉欣今日6日)開直播,反而沒有正面回應有關雙面人事件](https://imgs.orientalsunday.hk/wp-content/uploads/2022/10/3_1458595152633e89a10fa7b-1024x576.png)
途人爆料證無禮貌
另外有網民指曾在街上遇見鍾嘉欣拍外景,該網民指因掛住照顧小朋友,沒有為意自己的位置阻住拍攝,「鍾嘉欣西面又怒睥我,可能以為我掛住睇拍劇阻住佢開工,佢真係好無禮貌,但陳展鵬就唔同,點晒頭仲做咗個sorry手勢」。
但亦有網民力撐鍾嘉欣,指明星絕對有拒絕合照的權利:「一定要合照嗎?她也有拒絕的權利啊!這也莫名其妙,不想被打擾都不行?」、「我也覺得明星不合影是正常的」、「偶遇鍾嘉欣還合照的一搜就有!別人當是不願意合照是不是事出有因?明星不和你合照就是裝?這說法也是非常無語!」
![鍾嘉欣 plt5 鍾嘉欣憑《星空下的仁醫》成為大熱視后,專登返港出席頒獎禮,最後卻輸畀林夏薇,鍾嘉欣只得「馬來西亞最喜愛TVB女主角」,事後鍾嘉欣講到明唔會再返港拍劇。有傳力邀她返港的王祖藍因此而跟樂易玲反面。](https://imgs.nmplus.hk/wp-content/uploads/2022/09/6dfa33ba-1675-488d-bc50-19ac660b3457_4837380406333c3de9f826.jpeg)
鍾嘉欣足本訪問:
首次回應「黑面人」事件!
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!