鋪鋪Poker︱楊千嬅10歲子深得父母遺傳　想參加《聲夢傳奇》入行做歌手

楊千嬅爆囝囝想參加《聲夢傳奇》

楊千嬅在節目講到早前Halloween為囝囝丁進諾佈置屋企，原因是他不單儀式感重，而且喜歡扮鬼扮馬，更遺傳父母鍾意唱歌的特質，她說︰「佢好鍾意唱歌，仲睇晒《聲夢傳奇2》識晒啲學員名，所以佢識Eric（《聲夢2》導師之一）。佢叫我問下點樣參加。我話你唔好言之過早，10歲咋。佢唔知以為係玩game，唔明個樣嘢，唔明個壓力喺邊度。」另外，打從做女開始，鮮有下廚的千嬅，近年已榮任為廚娘，雖然未至於出色，至少識煮。原因是老公喜歡食之外，更會評頭品足，但更多的是想可以親手煮餸給兒子吃。

楊千嬅49歲生日 爆老公出門口前叫佢小心啲

楊千嬅以一頭標誌性的紫色頭髮亮相節目，師兄亦穿上紫色衛衣襯返嘉賓。今趟千嬅是應Eric邀請出席，她又爆二人秘密，原來他們是同年同月同日生，是典型水瓶座性格，上星期五生日齊齊步入49歲。節目開始師兄問到千嬅，大懲罰最驚會遇到什麼物種，千嬅話︰「蛇蟲鼠蟻是基本驚，有毛滑潺潺、曉郁有生命都驚。」她又自爆老公丁子高出門前的叮囑︰「佢叫我睇路囉，小心啲出牌。開頭以為佢驚我輸，原來佢係唔想我輸得咁核突。」

楊千嬅分享好識應對獅子座男人

牌局正式開始，第一鋪先來三位女仕對決，千嬅憑最後一隻牌，構成同花擊敗Sonya 3條7及Amber一對A，先下一城。席間Eric講到圈中有不少獅子座藝人，在座的師兄及千嬅老公都是最佳例子，Eric說︰「谷德昭都係，佢哋玩牌有一個特點，好少偷雞，開頭死都唔肯講畀我聽點解。後來佢哋解釋我聽，因為獅子座要面，好驚偷完雞衰咗個下，瘀呀。」

楊千嬅為谷愛子入名校虛脫激殘 選讀IB課程激發創意

楊千嬅回想初為人母時，曾爲谷仔入名校，犧牲自己不少休息時間，千嬅當年受訪，曾訴說希望兒子將來有成就，本刊發現千嬅並非得個講字，而且已積極實行。原來千嬅爲替愛子揀選學校及playgroup，在愛子剛滿一歲時已親身到心儀的幼稚園及playgroup視察，然後通宵上網搜集資料，因而捱病，其後被迫將心水名單交予老公丁子高代勞。

相關文章：楊千嬅虛脫激殘 高齡媽媽唔易做！為谷愛子Torres入名校

楊千嬅愛子Torres 極速長高只矮媽媽半個頭

楊千嬅與丁子高婚後育有一子丁進諾（Torres），不時分享一家三口合照，Torres快高長大，就快高過媽媽楊千嬅。之前楊千嬅曾於2019年分享自己與兒子Torres的合照，兩年前Torres身高只到媽媽心口位置，轉眼兩年過去，Torres只與媽媽差半個頭！

分享與Torres隔離日記

今年4月，楊千嬅曾在小紅書中拍片，透露這次跟孩子一起在酒店隔離了14日，每天24小時互相觀察，令兩母子更加了解對方。有指楊千嬅又為現年9歲的Torres報讀了好友陳小春兒子Jasper和Yumiko（鄭希怡）女兒梁浸浸所讀的當地名校，根據這間學校的收費表，小學一至四年級的一年學費為人民幣284,400人民幣（約34.28萬港幣）。