逆天奇案2 ｜黑人演員原來係薛凱琪緋聞好友！曾與TVB花旦聖誕夜遊爆緋聞

黑人演員Reggie Martin飾演巴金 與女星薛凱琪傳緋聞

在劇中飾演巴金一角的黑人演員Reggie Martin，與麥玲玲有多場精彩對手戲，讓不少觀眾對他印象深刻。原來，Reggie Martin不僅是演員，還是澳門威尼斯人酒店的高層管理人員。他在社交媒體上頻繁分享與香港名人的合照，包括與歌手陳奕迅、影星古天樂的親密合影，以及與國際足球巨星碧咸的合照，顯示出他與香港娛樂圈的深厚關係。其中，他與女星薛凱琪之間的緋聞更是曾經成為娛樂新聞的頭條。

十年前與宣萱夜遊 被指酒店私會3小時

除咗薛凱琪 ， 宣萱於2013年都曾經被拍到與黑人Reggie Martin約會。當時42歲的宣萱，入行剛好20年，承認過四段戀情，包括拍劇撻着的張衛健、中信泰富主席榮智健姪兒榮文瀚等，不過每次都分手收場。09年，愛狗宣萱搭上外籍獸醫Ruan，寄居男友屯門住所，更有意無意透露渴望趕尾班車生兒育女，以為金童玉女打風打唔甩，惜傳「迫婚」嚇走老外，最終難逃分手厄運。

2012年8月分手後，宣萱一直未有新戀情，加上拍內地劇又遇爛尾收場令她心灰意冷，2012年尾聖誕期間忽傳撻着薛凱琪緋聞男友、澳門威尼斯人酒店外籍黑人高層ReggieMartin，更被《東方新地》拍得偕黑人Reggie酒店密會3小時。

當年12月底晚上7時許，化淡妝着boot明顯打扮過的宣萱，一副約會look，跟一身白馬王子look的Reggie現身中環ifc商場，兩人不停在商場來來回回，四目交投雞啄唔斷，卻眼尾都唔望名店一眼，明顯為捉緊共處機會多過行街。由於周五晚，場內人流頗多，行到人多地方，兩人都識做表現避忌，不過好快又禁不住「合體」愈行愈埋，相當癡纏！

兩人再沿扶手梯抵達跟商場相通的四季酒店，並由原本並排而行，轉為前後腳，鬼祟步入酒店。三個多小時後，晚上11時許，宣萱與黑人Reggie離開四季驅車到跑馬地毓秀街，此時嘅宣萱已經變咗素顏，仲戴埋眼鏡。

宣萱回應消失3小時： 「唔需要report俾人聽」

事後記者刊致電宣萱，她堅稱非與Reggie拍拖，但就拒透露消失3小時行蹤。

記=本刊記者 宣=宣萱

記：影到你同Reggie喺ifc，係咪拍拖？

宣：唔係！普通朋友嚟，識咗都好耐。

記：入四季酒店之後，唔見咗你哋，之後見你喺跑馬地戴住眼鏡，中間段時間你哋去咗邊？

宣：我覺得唔需要report俾人聽。

記：依家係咪單身？

宣：係！

事後宣萱接受其他媒體訪問時再回應表示，事實上自己並沒有「消失三小時」，她解釋對方只是朋友，更表示兩人沒有在酒店「消失」，只是成功擺脫了記者追訪、記者跟不上他們而已。而作為好友的薛凱琪就代為解畫，強調三人都認識：「大家互相認識，都是朋友。」