《跳躍生命線》3大熱爆原因 配角出色+故事貼地+無爛尾
《跳躍生命線》3大熱爆原因 配角出色+故事貼地+無爛尾目錄
《跳躍生命線》雄姐殉職
《跳躍生命線》收視屢創高峰，為近年少有的高質本土作品，劇中各人物鮮明突出，其中張彥博飾演的雄姐係全劇最受歡迎人物之一，與何廣沛、郭子豪經常以三兄弟姿態示人，雄姐性格溫柔體貼、單純天真，令觀眾留下深刻印象！
可惜雄姐呢個角色喺早前一集，因接報到唐樓單位出勤時，房間地板突然坍塌，雄姐最後墮樓受重傷，並送上救護車趕往醫院搶救。何廣沛一邊用盡全力為好友兼同袍雄姐做心肺復甦，一邊大叫：「雄姐醒啊！」睇到觀眾心都酸埋。
可惜最後雄姐宣告死亡，原本以為搶救一輪後會有個醫生走出嚟搖頭話：「對唔住，我哋盡咗力。」不過今次無綫似乎有別於一向做法，捨棄舊有模式，反而以新聞報道手法報道雄姐殉職。
最後連劇名及片尾曲都由平時的彩色轉成黑白，再配合雄姐講出：「咁多位兄弟，我落更先啦，Good Day！」成個效果極為煽情，同時亦為雄姐呢個角色嘅一生畫上完美句號。
《跳躍生命線》出色配角們：
雄姐殉職令人心酸，其實《跳躍生命線》播出以來都有不少出色配角令人讚賞，好似現實中都係夫婦的陳榮峻、吳香倫飾演的明叔、明嬸，為一對樂天知命、恩愛非常的老夫婦，可惜世事無常，兩人在劇中先後離世。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
