超能使者 | 劉穎鏇出浴露背變身小丑女超吸睛曾與港男「車震」險毀星途

Q: 《超能使者》全用《城寨》班底？

本劇雲集了《城寨英雄》、《同盟》和《鐵拳英雄》的演員，由金牌監製打造⋯⋯ 按此看劇集&人物介紹

Oct 31 2022

由陳展鵬、唐詩詠、陳山聰、劉穎鏇等人主演的《超能使者》接棒《美麗戰場》昨日開播，近日TVB先後發佈了《超能使者》的預告片和製作特輯，其中劉穎鏇的出浴露背Look 及僅以毛巾蔽體的打鬥戲最為吸睛！

劉穎鏇出浴露背造型曝光

由陳展鵬、唐詩詠、陳山聰、劉穎鏇等人主演的《超能使者》昨日開播，早前無綫亦播出《超能使者》的製作特輯。在製作特輯中，劉穎鏇出浴露背造型曝光，僅以毛巾蔽體的劉穎鏇看上去亦非常牙煙。在接受訪問時，劉穎鏇透露：「因為條毛巾著唔實，所以服裝姐姐好貼心咁用線幫我縫好。」除此之外，網民亦紛紛大讚劉穎鏇身上零贅肉。劉穎鏇表示再開派遣都有特地跑步和控制飲食修身，自己在《超能使者》中的身形比選美時還要更瘦。

超能使者劉穎鏇超能使者僅以毛巾蔽體的劉穎鏇，仲要做打戲，睇落都非常牙煙！ — 僅以毛巾蔽體的劉穎鏇，仲要做打戲，睇落都非常牙煙！（圖片來源：TVB提供）

自爆因腿長多煩惱

此外，繼《兄弟》之後再次做打女的劉穎鏇，在拍攝前接受一連串的武術特訓。她坦言自己的一雙長腿為自己帶來不少煩惱：「最難係踢腿、起腳，為咗畫面靚啲就要隻腳伸直啲，但我啲筋唔鬆，所以都下咗好多苦功。」劉穎鏇又話全部打鬥戲都是親自上陣，再加上經常「零Pad」上陣，所以拍戲拍到周身瘀，但敬業的她笑言少少傷痕沒問題，只要能夠做好場戲就好有滿足感。監製也給予劉穎鏇 8.5 分：「我睇到佢有團肯拚搏嘅火，所以《隱形戰隊》都繼續搵佢打。」

超能使者劉穎鏇超能使者又話自己腿長筋唔鬆，所以拍打鬥戲時候都好辛苦 — 又話自己腿長筋唔鬆，所以拍打鬥戲時候都好辛苦（圖片來源：TVB提供）

超能使者劉穎鏇劇中每個造型都非常大膽，極度吸睛！ — 劉穎鏇劇中每個造型都非常大膽，極度吸睛！（圖片來源：TVB提供）

超能使者劉穎鏇劉穎鏇脫衣晒比堅尼，展示勁弗身形。 — 劉穎鏇脫衣晒比堅尼，展示勁弗身形。（圖片來源：TVB.com）

超能使者劉穎鏇劉穎鏇是2016年港姐三料亞軍，身形超正。 — 劉穎鏇是2016年港姐三料亞軍，身形超正。（圖片來源：TVB.com）

超能使者劉穎鏇劉穎鏇晒腿加武打場面。 — 劉穎鏇晒腿加武打場面。（圖片來源：TVB.com）

超能使者劉穎鏇劉穎鏇護士造型晒長腿。 — 劉穎鏇護士造型晒長腿。（圖片來源：TVB.com）

超能使者劉穎鏇劉穎鏇MK妹造型。 — 劉穎鏇MK妹造型。（圖片來源：TVB.com）

25歲劉穎鏇曾車震高層照肺施壓飛胡㻗保前途

2016年港姐三料亞軍劉穎鏇一出道即被派做《學是學非》主持，2018年首次拍劇仲有得做台慶重頭劇《兄弟》第三女主角，女拳王角色硬淨有發揮，一出鏡更成為網民熱話！靚女有觀眾緣形象又健康，成為無綫重點培育力捧對象絕對係意料中事。不過當年劇集出街撞正被傳媒影到同羅天宇胞弟、2016年港男胡㻗疑似車震，據悉劉穎鏇事後當眾灑淚，除了介意被標籤「車震」一族，實情係報道翌日已經被高層電召回台照肺，為保事業狠斬剛剛萌芽情絲，才是傷上加傷！

超能使者劉穎鏇超能使者大步走｜劉穎鏇曾車震照肺高層施壓飛胡㻗保前途 — 選港姐時的劉穎鏇一直是大熱門。(圖片來源：新傳媒圖庫)

劉穎鏇聽話上位同屆港姐冠軍馮盈盈多是非

劉穎鏇近年拍劇被受重用，多次擔任重點角色，早在《大步走》更會初次擔任第二女主角，工作量開始追近同屆冠軍，但是非勁多的馮盈盈。劉穎鏇有多套劇集存貨還未播映，包括《唐人街》、《超能使者》、《把關者們》、《青春不要臉》，更初次升呢第一女主角。

劉穎鏇飛胡㻗保前途

2016年從美國回流選港姐、留港發展，本來係土生土長 ABC、入行前又有大學相識要好男友，不過事業為重、遙距愛情又難維繫，出道半年後，劉穎鏇即急急公布分手，自爆回復單身，不過據悉2016年參選香港小姐與同屆參選香港先生的胡㻗已經結識，被公司安排經常同場受訓、出席活動，賽後又齊齊加入訓練班，朝見口晚見面加上年紀相若話題多多，劉穎鏇與胡㻗越行越埋變情侶。

超能使者劉穎鏇當年身為台慶劇女主角之一、又係該期新聞人物，劉穎鏇盛裝出席台慶活動，風騷得嚟，亦不見再受車震新聞影響心情。 — 當年身為台慶劇女主角之一、又係該期新聞人物，劉穎鏇盛裝出席台慶活動，風騷得嚟，亦不見再受車震新聞影響心情。(圖片來源：新傳媒圖庫)

主動分手

2018年劉穎鏇出席完《兄弟》演員飯敍後即使夜深，胡㻗一樣殷勤驅車到尖沙咀，接埋女友轉場去西貢銀線灣暗處把握機會談心。可惜戀情萌芽僅僅數月，難得夜會卻被傳媒撞正登上頭條，據知情人士透露，二人即日已收call要回台見高層:「出事嗰晚佢哋已經打畀經理人報定案，第二日仲被高層召返去照肺，話晒Tiffany(劉穎鏇)被力捧，搞呢啲新聞出嚟對形象好大影響，公司都警告佢唔好再行差踏錯，T i f f a n y 都明難得獲公司力捧的機會，唔想因為拍拖冇咗機會，所以死死氣認完錯，雖然好唔捨得，都應承咗高層兩個人唔會再繼續落去。」換言之，即係為保事業寧棄愛情！當年爆出戀情時，Tiffany年僅21歲，年資又淺，分完手見記者，係會激動啲！

為保事業向高層答應斬情絲，劉穎鏇日前現身尖沙咀，手持一杯珍珠奶茶、面容輕鬆，心情極速回復。