萬千星輝頒獎典禮2021｜入圍名單一覽譚俊彥與黃智雯被睇高一線奪視帝后

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會2025一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Nov 25 2021

《萬千星輝頒獎典禮2021》將於1月2日舉行，視帝、視后及最佳劇集等多個獎項即將誕生，今日（25日）在將軍澳電視城公布的所有提名名單，而剛播出台慶劇《十月初五的月光》及《拳王》亦有份入圍多個獎項，剛播畢的《換命真相》成功引起話題，男主角譚俊彥亦人氣急升，不但在台慶擔大旗演出，亦有份揭開《《萬千星輝頒獎典禮2021》大獎的候選名單，被指成為視帝大熱﹗

文：東方新地｜圖：《無綫娛樂新聞台》直播截圖

萬千星輝頒獎典禮2021 視帝視后1月2日誕生

《萬千星輝頒獎禮典禮2021》候選名單公布，由Patrick Sir同朱凱婷任主持，出席藝員包括譚俊彥、張振朗、蔣家旻、李思捷、黎芷珊、丁子朗、崔建邦、林正峰、馬貫東等﹗在記者會上公布十四項提名名單，頭一round的提名繼續玩大包圍，只要有參與都獲提名，男女主角超過三十個提名，最受歡迎男女主角更超過五十個提名之多﹗而去年的最佳主持獎，今年拆分為男女主持，而綜藝方面則由去年「最佳非戲劇節目」一個變成三個，分別是「最佳綜藝節目」、「最佳資訊及專題節目」和「最佳年度及特備節目」﹗

譚俊彥在《換命真相》演技受讚賞，被指成為視帝大熱﹗（圖片來源：IG@tammerz）

萬千星輝頒獎典禮2021 ｜最佳劇集

剛播畢的《換命真相》及《星空下的仁醫》平均收視接近20點，雖然收視未見標青，不過播出以來兩劇都有不錯口碑，成功引起話題﹗剛播出的台慶劇《十月初五的月光》及《拳王》甚有頭威，放在台慶檔播放已有優勢，呢幾套都被睇高一線﹗

最佳男主角（視帝名單）：張振朗獲珍姐加持！

張振朗為拍攝《拳王》，一年前開始增磅又增肌，雖然劇集剛播出，但獲現場的珍姐加持，立即被睇高一線﹗

視帝入圍名單，馬德鐘、陳豪、張振朗、譚俊彥、馬國明甚至楊明都可以憑兩劇入圍。（圖片來源：TVB.com）

譚俊彥、張振朗同叫兩飛當場被珍姐加持

憑《失億廿四小時》及《換命真相》提名「最佳男主角」的譚俊彥，被主持問到有冇信心攞視帝？譚俊彥謙虛答：「我一直keep住最好狀態去面對每一個角色，希望大家無論鍾意我、振朗定邊個都好，要記得投票﹗」被主持Patrick Sir笑答得太大方唔接受，一再逼供下譚俊彥就答：「如果要投梗係投時光（《換命真相》角色）啦﹗」

而張振朗分別憑《堅離地愛堅離地》及《拳王》提名「最佳男主角」，被主持問到想邊個角色攞獎，張振朗話：「兩套劇好唔同，一個做宅男一個做拳王，可以有好多不同嘗試，咁如果要投就投畀自己啦﹗」主持問想唔想先？張振朗即口窒窒答：「唔係想就有嘅﹗」珍姐曾勵珍（助理總經理（戲劇製作））在台下大叫：「畀啲信心﹗」得到珍姐台下加持的張振朗，即時自信十足話：「好﹗我想要﹗我哋都想要﹗」