菊梓喬疑被炎明熹取代一姐地位不保 網友分析兩現象
現象一)菊梓喬曝光率愈來愈低
對於有關菊梓喬(Hana)疑似因為大台換班子而遭冷待的討論,有網友舉例指Hana近期只在今年7月參與過《香港金曲頒獎典禮》,以及在8月參與過《樂韻警聲頌銀禧》,曝光率可說愈來愈低,網友對此表示:「一朝天子一朝臣」、「炎明熹的天下」、「連綜藝都冇得上,擺明被棄用」、「聲夢出現就無晒影」、「今年人氣插得好緊要,做藝人一無曝光率就麻煩,有fans流失就肯定」、「佢比矮仔邊緣化晒,前景真係窄窄哋」、「好慘,TVB只係捧聲夢,啲舊將被遺忘了」、「Hana根本唔係畀聲夢淘汰,係畀人刻意封殺嚟造就聲夢」等等。
![菊梓喬 炎明熹 香港金曲頒獎典禮 tvb](https://imgs.nmplus.hk/wp-content/uploads/2022/07/-2022-07-24-10.28.05_81047550262dd5733be372-1024x534.jpg)
菊梓喬可過檔開電視做《就是青春》導師
亦有不少網友對Hana提出建議,表示:「一係北上,一係嫁人,一係跳糟去開電視搵舊老細,但人哋都捧緊d後生啦」、「今年Hana出鏡率低到,離開或嫁唱k算了」、「應該好快去開電視搵返契爺搵食,做《就是青春》嘅導師」、「愈唱愈退步,睇嚟要轉行Lu」、「係時候要搵人嫁退休算」、「再苦練唱功,或上國內讀2、3年正統音專。美女,大把前途。」等等。
![曾志偉開綠燈?星夢一姐菊梓喬揸開電視咪牌做訪問](https://imgs.orientalsunday.hk/wp-content/uploads/2021/11/-2021-11-30-10.40.20_150767869461a59fc18f4c1-1024x574.png)
網友分析第二個現象:似係合約問題
有一名網友就忽然爆料話自己收到風,知道Hana受到冷待的真正原因:「我冇主動搵Hana的消息,都被動聽到D料啦,Hana話新歌嚟緊,製作方仲話首新歌正到可以紅過《呼吸有害》,我覺得Hana的情況似係合約問題,多過因為兩屆聲夢班新人,點解?Hana都話自己同Gigi係唔同年代的人,冇可比性,所以應該睇同Hana差唔多年齡的歌手,例如:JW、Gin Lee、泳兒,呢D近一兩年經常在TVB有工作的,聲夢對佢哋一D影響都冇,Hana同佢哋一樣做過聲夢系列導師,工作比較少,更可能係新合約仲未傾掂,因為幾乎任何藝人處於呢種狀態都會被冷待。」
「一邊畀D好處、一邊冷待」
該名網友續稱:「成個香港金曲頒獎典禮,TVB系的女歌手,得到最大的獎就係Hana(最佳唱片獎),JW和譚嘉儀只係得到最佳劇集歌曲獎,聲夢得新人獎,一邊畀D好處、一邊冷待,可能係新合約雙方傾緊條件,角力中。」他最後補充指以上只是他的「X UP」,不能作實。
![菊梓喬 菊梓喬早前在《香港金曲頒獎典禮 2021/2022》上,獲得香港金曲最佳中文唱片獎。](https://imgs.orientalsunday.hk/wp-content/uploads/2022/08/09_8089604163049df532d0e-819x1024.jpg)
菊梓喬親自回應:咁啱撞期啫
現年35歲的菊梓喬在接受傳媒訪問時,亦有親自回應疑似「被冷待」的問題,她指自己沒有被冷落的感覺,也沒有對網友意見上心,而她近日正準備推出3至4首新歌,更準備出新碟,所以工作非常忙碌,而講到近日曝光機會減少,Hana就回答只係「咁啱撞期啫」。在討論區亦有網友指出Hana曾經透露過,在嚟緊10月將會有表演。
![菊梓喬 菊梓喬透露自己近日正在準備出新碟。](https://imgs.orientalsunday.hk/wp-content/uploads/2022/08/04_38963859863049ec1d7a28-1024x869.jpg)
重溫菊梓喬開腔講對聲夢新人睇法
菊梓喬早前接受商業電台《星光背後》訪問,被問到公司高層大地震,又有多個星夢後輩如炎明熹Gigi、姚焯菲Chantel崛起,有沒有擔心過自己的資源被分薄,她表示不怕後起之輩:「年年都有新人,最緊要做好自己,根本不同generation,唔覺有壓力。有歌出已經好好,我無刻意爭取,只希望一直有歌出。何麗全先生入主都有同我傾過,想我快啲開演唱會。」
![菊梓喬](https://imgs.sundaykiss.com/wp-content/uploads/2022/06/1-3_85146634862b14a4836475-1024x1024.jpg)
被星夢揸弗人評發展單一唔夠多元化
自曾志偉踩入無綫任高層後,星夢CEO何哲圖Herman敗走,愛將菊梓喬的生死最受關注,菊梓喬曾指已跟新星夢揸弗人何麗全坐低傾未來方向,被對方評:「你形象被定格, 一直係楚楚可憐嘅歌手,歌手應該多方面發展。」菊梓喬即把握機會為自己平反,佢話:「其實我本身都係咁諗,知道歌手係應該多方面嘗試,我都鍾意Rock,不過嗰時Herman叫我要做好一樣嘢先,等觀眾有深刻印象先,我係新人,唯有尊重公司尊重老闆嘅決定!」
![菊梓喬以30歲之高齡入行,入行五年來專注事業。](https://imgs.orientalsunday.hk/wp-content/uploads/2021/04/photo6287306890249612013_167418704260682db32dbd9-834x1024.jpg)
無懼一姐地位動搖
被問到會否害怕一姐地位動搖時,菊梓喬指入行只有五年,仍是新人,佢話:「我得到『最受歡迎女歌星獎』只係代表幕後嘅團隊領獎。當年發生咗好多事,可能公司冇人可揀,否則未必會選到我。得獎冇咩特別開心唔開心,更加唔會飄飄然!」而被問到與前老闆Herman可有聯絡,菊梓喬坦言每天都會通電話,對方不停請㣽放心,雖然公司變動很大,但並不擔心自己的事業發展。最近有玄學家指她的真名陳曉怡有利演藝事業,其事業可以去到更高更遠,更坦言希望有一天像王菲一樣用回真實姓名。
![菊梓喬大談曾遇世紀渣男,不過仍渴望結婚。](https://imgs.orientalsunday.hk/wp-content/uploads/2021/04/photo6287306890249612012_95506971160682d35dd392-986x1024.jpg)
回應與吳卓羲關係
早前吳卓羲偕家人欣賞菊梓喬除夕年騷演出,又曾發佈空白帖文但標籤了「菊梓喬」。前幾個月菊梓喬被拍到到深井屋苑逗留深夜也未離開,而吳卓羲剛好也在該屋苑也擁有個1200呎的單位,有傳二人疑似蜜運中。她在電台上回應他們關係時,說法模糊不清:「本身認識,都唔係識咗好耐,幾年啦,係有共同朋友介紹,會一齊食飯。覺得佢好搞笑,好識同人開玩笑溝通,令大家都開心。都係咁啦!哈…都係咁啦!(朋友?有機會發展的朋友?)呢個問題好難答,哈⋯⋯我跟佢嘅關係⋯⋯不屬工作,唔係太好拎出嚟傾。」但菊梓喬對結婚或組織家庭並不緊張,她指這兩年疫情令她明白最重要是活在當下。
曾戀上世紀賤男4年因1件事醒覺
菊梓喬身世可憐,感情路上同樣悲慘。她曾自爆自己在初戀時已遇上渣男:「我十幾歲就拍拖,覺得愛情好恐怖,自己係完全控制唔到,我初戀遇到個世紀渣男,佢有好多女朋友,又對我郁手郁腳,不但節日唔會陪我,仲攞晒我打工嘅錢,拍咗三、四年分手,好在嗰時有人提醒我唔可以將所有希望放喺一個人身上,要創造自己嘅事業,呢樣嘢人哋先帶唔走!」
![菊梓喬](https://imgs.sundaykiss.com/wp-content/uploads/2022/06/5-8_50473252262b1678c6e4c5-819x1024.jpg)
菊梓喬張景淳互取消關注疑因呂慧儀?
入行後,菊梓喬被傳和張景淳拍拖,二人曾被拍到一起看電影,又被指用情侶手錶及手機殼,但菊梓喬澄清:「其實嗰時公司當時人人都戴嗰款錶,我哋識左好耐,但只係打機認識嘅『機友』,有一齊去打拳,有好多共同朋友。」又補充已經非常忙,沒有時間經營一段愛情。後來張景淳被拍到和呂慧儀一起看電影和過夜,疑似一腳踏兩船,菊梓喬其後便即時在社交平台上取消關注張景淳,而張景淳隨後亦取消關注菊梓喬,有指二人關係疑因呂慧儀介入而決裂。
![菊梓喬](https://imgs.sundaykiss.com/wp-content/uploads/2022/06/2-1_105874145462b14cbb8db32.jpg)
「女仔結婚才算完整」
35歲菊梓喬自稱單身,並開出擇偶條件,指自己這個年紀是搵老公:「一定要高富帥,超級靚仔,要好似漫畫男主角一樣,五官好精緻,因為我要求高所以好難搵到,唯有專心工作先,不過我覺得女仔點都要結一次婚,否則人生唔完整,我依家35歲未急,林志玲都係無耐前結婚,我覺得就算之後離婚都要結過,當然我想一生一世。」
![菊梓喬](https://imgs.orientalsunday.hk/wp-content/uploads/2022/08/10_178129425663049f95766fc-819x1024.jpg)
菊梓喬自小被父母拋棄 為賺錢捱至五撈七傷
今年36歲的菊梓喬身世悲慘,異自幼遭父母棄養,13歲便和相差一年的妹妹相依為命。為了賺錢養家,她13歲便輟學賺錢儲生活費及學費,第一份工作做美容學徒,月薪只有港幣3,000元,因為工作地點和家中距離甚遠,所以需要跨區工作,收入都只僅供坐車食飯,有時為了省錢甚至要把公仔麵分兩餐吃。她又曾做髮型屋員工,因為接觸很多化學品所以需經常洗手,令到手臂都潰爛。後來她先後做過超過20份的工作,包括化妝、髮型、美容,零售、樓面、甚至倉務員。最辛苦期間,她一天打三份兼職,每天只睡兩小時,但都只能賺到港幣12,000元。
她的身體都捱得五勞七傷,經常在街上暈倒而被送入醫院,頻密到連醫生也認得她。她同是多齒症患者,每次長牙都歷時一年,長出殭屍牙後會自然脫落,長牙期間又會令牙肉又紅又腫,更會影響進食和說話。
![菊梓喬](https://imgs.sundaykiss.com/wp-content/uploads/2022/06/5-1_43000164962b16229af027-998x1024.jpg)
雖然她13歲便輟學,但她一直也沒有放棄學習,一直也很希望完成學業。20歲的時候,她為了能升讀大專,多次向校長爭取讀書機會,她更以第一學期成績來證明自己,如果成績合格才能修讀,校長最終被她打動破例讓她入學,入讀三年制工商管理高級文憑課程。
但她坦言自己因為未曾完成中學課程,所以讀書非常辛苦:「我一跳就跳到讀College,但入到學校全都是英文,課本好厚,課堂上的英文我一句都聽不懂,最開頭的時候,我一星期七日除了回家睡覺,就是留在學校溫書。」
![菊梓喬](https://imgs.sundaykiss.com/wp-content/uploads/2022/06/5-2_138796980062b1627d20342-1024x849.jpg)
妹妹同樣是靚女激似閻奕格
菊梓喬和妹妹相差一年,生日日期亦只差兩天,自小相依為命。菊梓喬曾多次公開和妹妹的合照,姊妹關係非常深厚。妹妹曾在YouTube「三樓百胃Stomachguchi」頻道上載影片扮演「黑面港女」,不少人讚她演出自然,但帳戶上載三段影片之後便沒有再更新。妹妹被指和歌手閻奕格相似,更有網民指妹妹和閻奕格才是親生姐妹。
![菊梓喬](https://imgs.orientalsunday.hk/wp-content/uploads/2022/08/05_214275792263049fca81b3f-819x1024.jpeg)
菊梓喬為追夢遠走台灣 自責表現不完美無生存意義
菊梓喬其實對唱歌一直有濃厚興趣,曾和其他搖滾愛好者組織樂隊「遊樂園 Pleasure Garden」,並擔任女主音,但因生計問題而退出。直到27歲,菊梓喬以原名陳曉怡到台灣參加綜藝節目如《金牌麥克風》、《我要當歌手》,但因出身及經濟理由而被唱片公司拒簽為歌手。她更一直自責表現不夠完美,甚至因而患上抑鬱:「最嚴重嗰時,我覺得生存無晒意義,我由細到大都覺得自己好多餘,不過當我想到妹妹,我就記起自己生存意義,佢係我嘅心臟,我願意付出一切換佢嘅快樂。」
![菊梓喬](https://imgs.sundaykiss.com/wp-content/uploads/2022/06/5-3_15279389662b1653022b97-1024x576.jpg)
菊梓喬獲伯樂提攜30歲出道做歌手
2015年,菊梓喬希望以網絡歌手出道,於是上載唱歌片段,第一條影片便得到「Zen」樂隊音樂人黃和興(Addison)垂青,經其介紹到環球音樂、華納唱片及英皇娛樂等各大唱片公司試音,後加盟創富文化集團,在2016年30歲出道做新人女歌手,作品包括《今天的我》、原創作品《傻瓜裏的童話》及《七歲》,在各音樂頒獎典禮中奪得多個新人獎。
一年後,她加入星夢娛樂,唱出多首膾炙人口劇集歌曲包括《不懂撒嬌的女人》的《手中沙》、《使徒行者2》片尾曲《忘記我自己》等。短短幾年便闖出名堂,連續三年在TVB《勁歌總選頒獎禮》中奪得最受歡迎女歌星獎項,更被人封為「星夢一姐」。
菊梓喬為爭奪一姐傳和吳若希不和
吳若希和菊梓喬也是星夢娛樂旗下藝人,但吳若希比菊梓喬早加入星夢兩年,一直盛傳二人為爭奪公司「星夢一姐」之名而傳不和。2019年的時候,菊梓喬在《勁歌金曲頒獎禮2018》勇奪女歌星獎,坐在菊梓喬旁邊的吳若希浮誇大笑和拍掌13秒,吳若希事後上傳頒獎禮的相照中也只有胡鴻鈞、譚嘉儀、石詠莉等人合照,唯獨不見旁邊的菊梓喬。吳若希在頒獎禮後接受傳媒訪問時,被問到菊梓喬得獎一事,吳若希指自己一早預計到結果,又說菊梓喬的投票率很高,而投票佔獎項很大比率,疑暗諷菊梓喬不是憑實力奪獎。
![菊梓喬為做歌后放棄愛情 被爆有同性密友陪放狗](https://imgs.orientalsunday.hk/wp-content/uploads/2019/01/nhv4dxh3MJN7gxp/a1kmtgrljlfusohoczy8hs6meztkbsro1gdhctrnr3i_14220798295c3a21137c777_20435562875c44249db041f.jpg)
後來《勁歌金曲頒獎典禮2019》中,菊梓喬又以六獎贏過只奪三獎的吳若希,當大會宣布菊梓喬奪下「最受歡迎女歌星」獎時,吳若希馬上擰歪面。吳若希在頒獎禮後, 被問到再次失落「最受歡迎女歌星」一事,她從容自在地說:「如果要攞呢個獎,太大壓力喇,我唔係循規蹈矩嘅人,我得獎的話會控制唔到自己,怕影衰大家。我唔係容易承受壓力的人,壓力太大會有情緒問題,壓力交畀其他人去承受啦!」
![菊梓喬](https://imgs.sundaykiss.com/wp-content/uploads/2022/06/5-7_13314659462b1674adba8a.jpg)
菊梓喬曾回應希望同Jinny溝通多啲
Hana菊梓喬同師姐吳若希經常被傳不和,近日又有傳Jinny針對Hana,唔想同佢同場做嘢,Hana呢日同師弟劉子碩一齊出席活動時,對於呢啲負面新聞,佢都習慣晒,豁達面對,仲話相信Jinny講嘅一切只係誤會,而佢哋平時冇乜時間傾偈,希望未來有機會溝通多啲!
有傳菊梓喬受到冷待的真正原因是什麼?
有一名網友就忽然爆料話自己收到風,知道Hana受到冷待的真正原因,提到與Hana差不多年齡的歌手明顯無受聲夢影響,大多都因為⋯⋯詳情請看
菊梓喬對傳聞有何回應?
菊梓喬在接受傳媒訪問時,亦有親自回應疑似「被冷待」的問題,她指⋯⋯詳情請看