直播靈接觸｜法師揭露古曼童如何催旺人緣和桃花運

昨晚（4 日）播出的第十四集主題是「古曼童」，邀來泰國法科師傅 Frankie 擔任嘉賓。Frankie 在節目中除了解構「古曼童」和「養鬼仔」的分別，還公開了「古曼童」的正宗製作材料，包括七張紙幣、七個墓土泥、七段經文經灰、七個孩童骨灰、七個碼頭泥、七個風水土及七個寺廟泥土。Frankie 又展示了三個自己供養的「古曼童」，原來「古曼童」有分男仔女仔，女仔稱為「古曼麗」，而「古曼童」內的除了通常是有經由佛法開光的夭折小朋友或嬰靈，有時還會請來小神仙入住，Frankie 便展示了一個有催旺人緣/桃花作用的「花油木雕古曼童」，並透露是泰國做小姐女士的恩物：「「要返工嘅就搽啲，啲客又真係會覺得個女仔好靚，呢啲叫法術化妝。」說畢更為 Jojo 即席試搽，並透露還有實現願望作用。

來到此時，向來八卦的思浩即追問：「「娛樂圈有呢個傳聞好耐，話有啲女性搽咗呢啲油去選美，果然嗰一晚所有評判都覺得佢靚，之前係黑馬嚟。但係選完隔一日即刻唔靚喇，有冇咁嘅嘢先？」Frankie 聞言笑言：「「都有呢啲方法，例如我點咗一點喺額頭，再點埋眼眉同嘴巴，咁就算你講嘢好差，評判都可能覺得你講嘢好好聽。」Frankie 還透露確實有用於陰部的油：「「嗰啲牽涉和合嘅嘢，令到同你行埋過嘅人覺得你特別啲。」思浩還追問了曾傳聞有女藝人用佛牌於三個月內成功求財八百萬事件的真偽，對此 Frankie 說：「「其實好多泰國人都有（用佛牌求財），但中咗之後要做番善行。好多時啲人得到咗（想要實現嘅願望）就忘記咗個佛牌，到隔咗幾個月再戴番自己都心有愧就送走，而送番去寺廟係正確嘅。」

此外，Jojo 與思浩都分享了一個與「古曼童」有關的故事。Jojo 透露有位朋友養了「古曼童」，半信半疑又貪玩的 Jojo 得悉事件後馬上走到「古曼童」附近

Say Hi，結果當晚即發了一個特別的夢，令她自此相信有「古曼童」：「「嗰晚發夢成晚都有小朋友過嚟搵我玩，我淨係記得好嘈，同叫我玩呢樣玩嗰樣。」至於思浩分享的其實是一個錯摸的感人愛情故事，事件主角是圈中男藝人：「「嗰個人成日食飯都擺多份碗筷，咁我就出於關心問佢，佢就含住眼淚同我講：「 我老婆死咗，我好掛住佢，我覺得佢喺我身邊，所以我每次食飯都想擺多套碗筷畀佢，我覺得我老婆喺度。』」思浩事後受訪，還分享了一個直播時的靈異現象：「頭先我哋擺咗三杯糖水喺廠，嗰三杯其中兩杯喺錄影期間愈嚟愈少糖水，我哋都覺得嘖嘖稱奇。」

另向來欣賞到好節目必然大聲唱好的伍詠薇（伍姑娘），原來與老公練海棠均是《直播靈接觸》鐵粉，伍姑娘更忍不住在梁思浩社交網留言大讚：「多謝你打（帶）畀咁多正嘢畀我哋睇，為你驕傲…題外話，我都估唔到我家老練，繼早前狂煲《繁花》之後，佢而家淨係最期待星期一、二睇你嘅節目…你好勁呀！」

想知道更多相關精彩資訊，敬請留意 www.tvb.com 。