盧瀚霆Anson Lo生日耗資7位數舉行無人機匯演創紀錄 神徒迫爆西九勁壯觀
盧瀚霆 Anson Lo 生日無人機匯演 獲讚勁過多啦A夢
除了連續第三年提供免費往來尖沙咀和灣仔的天星小輪服務外,今年Anson Lo的粉絲後援會更不惜耗資7位數金額,在西九文化區上空舉行了長達約12分鐘的《Anson Lo & Sontos – SoaR 無人機匯演》,作為為Anson Lo慶祝生日的壓軸活動。
無人機匯演準時在晚上8:30開始,警方指最佳觀賞區域約有2千5百人次,當匯演開始時神徒非常興奮,不時「嘩嘩聲」,又唱生日歌助慶。無人機匯演砌出Anson Lo剪映、盧瀚霆字樣、蛋糕及Anson Lo手繪的神徒公仔等等,神徒接受訪問時,直言由傍晚5時許已開始霸位,感謝歌迷會籌備是次活動,表示為偶像另類慶祝生日感興奮。
盧瀚霆被家書感動落淚 與逾二千神徒慶祝生日
中午12時,盧瀚霆現身尖沙咀麗晶酒店出席歌迷會生日派對,一連兩場逾二千神徒慶祝,期間他與神徒玩遊戲,被問及如何「稱呼」另一半時,台下神徒大叫「BB豬」,寵粉的Anson即席向神徒示愛:「BB豬!」他更向神徒表達心底話,多謝大家嘅支持:「因為我全靠你地嘅支持,先捱到今日!即使出面好多人誤解我,你地嘅留言成為我嘅鼓勵。」
來自世界各地神徒拍片向教主賀壽,而Anson Lo父母及家姐亦親手寫「家書」,當家姐提及兒時往事時,搞到教主「眼濕濕」:「點解我咁感動,因為成件事好有愛,因為家姐係一個內斂嘅人,佢好少咁講呢啲事,我睇完諗翻起以前細個嘅時候,同佢打打鬧鬧嘅回憶,我記得家姐細個好怕鬼,要捉埋我去壯膽。早排同家人食飯都交代健康,家姐佢喊咗成晚但又唔知可以做咩,真係好錫我。」
活動完結後Anson Lo接受訪問,他表示見到家人真情流露好感動,覺得佢地好大勇氣寫「家書」給他:「知道佢哋每日都好擔心我、Care我,所以好感動。今年生日願望係想神徒同家人都身體健康,因為大個咗知道健康嘅重要。今晚會同家人過一齊砌蛋糕。即將由2字轉3字,覺得唔會太大分別,隨時間過去會成熟啲,神徒都話冇咗以前嘅嘻嘻哈哈,可能係人大咗會沉穩咗、成熟咗。」
![盧瀚霆 Anson Lo入場時全場尖叫,他逐一向Fans答謝:「我覺得今日唔似Fans聚會,因為要步入會場搞到好似婚禮。」(圖片來源:官方提供)](https://imgs.orientalsunday.hk/wp-content/uploads/2024/07/03_1367126131668b56b66e612.jpg)
2,500神徒大合唱生日歌賀 Anson Lo 生日
這場無人機匯演長達12分鐘,展示出多個與Anson Lo生日主題「SoaR」相關的圖案,包括盧瀚霆的簽名、手繪的個人及粉絲公仔圖案等。這些圖案不僅是為了慶祝Anson Lo的生日,也象徵著粉絲與他一起勇敢地面對未來的挑戰,讓他的夢想能夠翱翔於世界之上。
現場雖然擠滿了人,但粉絲們的熱情絲毫未減,他們舉起手機拍攝這壯觀的場面,並不時發出驚嘆聲,共同唱起生日歌。Anson Lo則選擇與家人一起乘船出海,親眼觀賞這場精彩的無人機表演,Anson Lo其後於IG亦出post表示感謝神徒:「很幸福的一個晚上 #謝謝你們 #教父教母教姐都很開心」
網民:公道講句好睇過《100%多啦A夢&FRIENDS》
不少網民看完Anson Lo生日《Anson Lo & Sontos – SoaR 無人機匯演》的活動後,亦與早前全球首場無人機匯演《100%多啦A夢&FRIENDS》作比較,表示Anson Lo這次的生日應援活動更出色:「公道講句,anson lo個無人機表演精彩過多啦A夢嗰個多多聲」、「此情此景,叫旅發局情何以堪」、「係幾有心思」、「起碼睇到係乜先,上次嗰個勁多死位」、「咁又真係幾靚既」、「不得不承認係幾有水準」等。
![盧瀚霆 全球首場多啦A夢無人機匯演《100%多啦A夢& FRIENDS》早前在尖沙咀星光大道上演,當中有多啦A夢經典法寶「隨意門」。(圖片來源:youtube@TVB Kabayan)](https://imgs.weekendhk.com/wp-content/uploads/2024/05/vs-youtube-tvbnews22may2024doraemondroneshowabovevictoriaharbour-028_2795324016651e1527c622-1024x576.jpg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!