男子組合成員自揭完成切除腦腫瘤 頭顱留長疤 最新狀況曝光

蔡一傑自揭身體狀況

蔡一傑發文表示：「剛剛做完一個切除腦部腫瘤手術，手術非常順利，在這裏我要多謝我的家人一直在我身邊支持和鼓勵，還有多謝我兩位兄弟在我手術期間兩人在美國的落力演出，最重要多謝所有醫護人員和主診醫生用高超醫術來幫助我，使我重新站起來。」

蔡一傑樂觀面對：相信我往後的人生一定更精彩

他再講：「在這裏我要跟所有愛我的朋友說一聲，多謝你們的關心同愛護和我公司上上下下的同事特別要多謝我老闆林建岳博士體諒及支持，多謝我的歌迷和一些傳媒朋友，希望給我一點空間和時間讓我慢慢康復好起來，我相信我往後的人生一定更精彩 PS : 還要多謝這段期間我所有的醫生朋友無私嘅奉獻和愛護，無言感激 我愛你們 ❤️」

草蜢坦言入行 39 年充滿 Amazing

今年5月，由黎芷珊主持的《芷珊約您》第三集的嘉賓是組合草蜢，芷珊飛到台灣直擊他們的高雄巨蛋演唱會，成軍 39 年的草蜢相隔 30 年再於高雄開騷，三子使盡渾身解數辣爆全場，氣氛熾熱。

高雄巨蛋演唱會完騷後，芷珊與草蜢三子蔡一智、蔡一傑和蘇志威進行深度專訪。芷珊問到三子覺得十年後的草蜢會是怎樣？蘇老闆直言不會被年齡限制思想：「歷史都係人創造，你 6、70 歲仲喺上面跳，唔係唔得㗎喎！」傑仔亦大表贊同：「唔好畀自己太多阻礙同藉口，盡做吖，將自己發揮到最好為止。」芷珊再問到他們覺得現在快樂嗎？三子異口同聲說覺得快樂，坦言入行 39 年的旅程充滿 Amazing，傑仔說：「諗番自己出道，十幾廿歲到依家，好幸運我哋幻想出嚟嘅嘢都成為現實，仲要做得幾好添，所以好感恩。」阿智則說：「我哋三個係屋邨仔之嘛，讀書仲係渣添啦，以前以為成功唔到㗎喇，但依家係做到 Famous

喎，講緊去到邊度都有人識你喎，嗰時係幾難想像。」

節目尾聲，草蜢三子應芷珊要求爆一個小秘密，三子大爆入行頭幾年曾有表面風光，但其實非常窮困的時期，傑仔說：「我哋開始出道攞咗新人獎，入行差唔多 7年，之後都攞咗好多獎，喺出面其實都叫幾紅，但係我哋其實仍然係好窮，嗰時仲係住緊喺屋邨，好多隔籬鄰舍會帶好多同學嚟睇，我哋真係冇辦法、瞓唔到覺，逼於無奈要搬出去，搬出去之後，我哋嘅錢只係夠買三張床褥，之後係咩都冇。」

傑仔續透露好友成奎安雪中送炭的義舉，他說：「嗰時成日同大傻成奎安一齊出去玩，玩完之後佢送我返屋企，佢係都要上嚟屋企坐，我話唔好啦，但佢死都唔肯，最終都上咗嚟屋企，佢一打開門冇諗過我屋企係咁，就連一張櫈都冇，佢坐咗喺地下，佢話冇櫈坐啫，畀杯水嚟飲吓都得啩，我話對唔住，我屋企連雪櫃、水煲都冇，當時我哋係窮到咁，嗰個年代表面係風光，內裏其實好慘，第二日大傻搵朋友送咗張梳化嚟畀我，係我屋企第一張嘅梳化。」傑仔憶起故人不禁哽咽：「好多謝大傻，雖然佢已經唔喺度，但我仍然好掛住呢個人。」