炎明熹被指吸金數百萬想買10層樓 被問何時出糧感困惑「戶口都未有」
廣告
17歲炎明熹(Gigi)上周六(8月27日)現身尖沙咀出席音樂節活動。提到有指她人氣爆紅後,吸金力驚人,4個月穩袋過百萬,距離她置業目標10層樓相當近,Gigi聽到後相當困惑表示,因為她自己都唔知幾時出糧,係邊個戶口度。
買樓係屋企人目標 自己戶口都未有
炎明熹受訪時指,買樓呢件事就由佢順其自然地去,因為買樓是屋企人給自己的目標,所以就轉化為同家人一起努力的目標,所以就順其自然地去做,不會給自己太大壓力。被問到是否坊間所指賺到過百萬,炎明熹則話唔知,更反問,我可以開銀行戶口嗎?再被問到人工去咗邊,Gigi則答可能係公司;當記者再追問對方到底幾時出糧,炎明熹最後就表示不清楚幾時可以出糧,戶口在哪裡,更反問可以喺邊度Check?因為她表示連經理人都唔知道這件事。
睇片重溫當日活動:
參加《獎門人》用衫抹嘴汗似聞胳肋底
第五集《獎門人》請來「聲夢傳奇隊」同「J2ers 隊」上台玩經典遊戲,今晚首度重現的經典遊戲「開心無敵爆大波」,期間笑料十足,打頭陣出場的 Gigi 被大波波嚇到失晒魂,期間瘋狂飆高音兼唱歌,盡顯火星人本色。事後緊張到爆汗的 Gigi 以衫袖抹去嘴上的汗,但由於動作相當滑稽,惹得森美爆笑問道:「你做乜聞胳肋底?!」
![炎明熹第一次玩呢種遊戲](https://imgs.orientalsunday.hk/wp-content/uploads/2022/08/10_2088573152630c3a9d78892-1024x682.png)
在「開心無敵估歌仔」中,「聲夢傳奇隊」再次展現音樂天分,連續估中 4 首歌,眼見 「J2ers 隊」食白果,獎門人好心給他們機會反擊:「最後一題答中,就當你哋贏!」結果胡敏芝成功估中答案「一個救全家」,其他 J2ers 即時將她拋起慶祝,氣氛熱鬧。
![炎明熹 陳欣茵扮姣聲演「綠茶婊」。](https://imgs.orientalsunday.hk/wp-content/uploads/2022/08/32_1296843506630c3d18b5ef9-1024x683.png)
「開心無敵大電視」環節同樣搞笑,慘遭圍攻的 C 君被指是「哈比人」及「粉腸」,陳欣茵不顧形象發出姣爆聲音扮「綠茶婊」,Gigi 則放下偶像包袱扮豬叫,十分落力。去到觀眾 最愛的「開心無敵彈遮遮」環節,森美與 C 君組隊出戰,但兩人頻頻答錯問題硬食淋雨 酷刑;向來鬼主意多多的森美竟「開外掛」拿出私家遮,最後被獎門人發現兼沒收,非常過癮。
![炎明熹 「開心無敵彈遮遮」又係笑死人](https://imgs.orientalsunday.hk/wp-content/uploads/2022/08/35_1841360699630c3c779f85b-1024x682.png)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!
圖片來源:TVB娛樂新聞台、TVB資料或影片來源:TVB